احتفال اليوم الوطني

وأخيراً احتفال اليوم الوطني في مدرستنا الجميله
بدايةً سوري لأنو ما رح يكون فيه صور لأني نسيت الكاميرا شغالة إلين ما انتها الشحن وما قدرت أصور لكن في معلمات صورو وطالبات وإن شاء الله ينزلو الصور إن أمكن .
7
7
المعروضات .. معروضات اليوم الوطني دي السنه كان إبداع الله يعطي العاملين عليه العافية والصحة و مرا لازم أنزل صور إن شاء الله لو لقيت أحد من المعارف صور .
7
7
المشاركات .. كانت أغلب المشاركات بصوت مو واضح ونوعاً ما ممله ومع الحر الواحد ما عندو حيل وكانت قليله والمسجل لمن نتحمس الله يهديها أبله سعيده تطفيه .
7
7
الألبسه .. كانت في قروبات مطقمه وجميله صراحه من تواني و بنات مرتبات " غرت منهم " من توالت لكن أولى الله يعطيهم الصحه مني شايفه وطنيه إلا في إلي لابسه كدش أخضر .
7
7
الحماس .. كان في تصفيق وزعيق وتصفير ووناسه بس لفتره محدوده وينطفي المسجل وحماسنا انتها تماماً وناس سارت تداكر وانعدم خلاص الوناسه لمن انفتحت محاضره من أبله سعيده الله يهديها في وقت وزمان وموضوع مالو أي علاقه باليوم الوطني رغم أني أحب أسمع كلامها أحياناً إلا أنو اليوم صراحه كرهت الناس وكرهتني فيها وبموضوعها أكتر مما جذبتهم لدرجه ما تتصوروها .
7
7
وفي الختام اتمنى أني أنزل صور قريب إن شاء الله وأشكر القائمين على ركن المعروضات خصوصاً أبله عجيبه الله يحفظها واتمنى ما تكون باقي الحفلات زي حفل اليوم لأنو طفش وما يستحق ينزل الواحد له موضوع لكن وعدتكم .
[/align]