انا في جده رايح يوم وراجع باخلص لي موضوع اي خدمات انا بالشوفه
كلمني ثاني يوم …. وقال
وقفت سيارتي بالمطار وفي مطار جده استاجرت سياره كورولا
وعلى كاوتتر حجز الفنادق
قلت ياولد الخير جاي وخلني استاجر بفندق خمس نجوم
دامها يوم خلني استانس
حجزت غرفه بـ 280 ريال يابلاش دام الفروقات جايه باذن الله
شغلت الكورولا وجيت الفندق قالوا الغرفه راحت 
ولا عندنا الا جناح ملكي بـ 850 ريال 
حلفت يمين الا اتدبروني انا حجزت ومالي شغل ,, 
واخيرا اعطوني الجناح بقيمة الغرفه 
ياولد الغرفه هبال والسرير تنام عليه والله لو مافيك نوم
ولا دورة المياه ( تكرمون) البانيو ماتلحق اخره من كبره
والشامبوهات عد واغلط كل الانواع استخدمتها 
وطلعت جلد ماهو جلدي من كثر النظافه
ولا النت طيااااااااره يازين العز 
وقلت ابي العيشه الحين قالوا عندك بوفيه من المغرب الى 1 بالليل ولا مطعم على الطلب
وجلست اغرف من الانعام صحن رايح وصحن جاي
خلصت شغلي ورجعت للديره وانا حاس اني امير…. لا هذا والفروقات بالطريق 
وصلت المطار وسيارتي بالمواقف
ادور المفتاح وين راح بالشنطه ولا وين
اتذكرت اني نسيت المفتاح بالجناح الملكي 
وجيت من المطار بتكسي
اممممممممحق سفره يارجل الفروقات ضيعت مخي
بس ابشركم ابو عبدالله كلم واحد بجده ومفاتيحه جايه بــ DHL على قوله وكلامه
اعذروني حبيت اغير جوكم شوي وسامحونااا