إستفسار عاجل

يعطيكم العافية ياليت تفيدوني أنا خريجة معهد وبعدل بالرغبات من منطقة لمنطقة أقدر أعدل وإذا أقدر كيف الطريقة ودمتم

---

اختي الطيف لمسافر اتمنى لكي التعيين ان شاء الله

بالنسبه لسؤالك انا عدلت رغبتي قبل التعيين والاجراء كالتالي

تذهبين الى مكتب لاشراف اللي قدمتي عليه اوراقك وتدخلين على

المديره ويكتبون لك ورقه لادارة التعليم عندكم وتتوقع من مدير التعليم

وفيه تعديل الرغبه بعد كذا اذا عندك احد في الرياض ارسلي له صوره

ويوصلها لمدير شئون الموظفين ويتم التعديل فوري

ملاحظه وانتي رايحه مكتب الاشراف خذي معك كرت العائله الاصل

واتمنى لكي لتوفيق

مشكورات ما قصرتم

مرحبا اختي
انا عدلت رغبتي كنت طالبه حايل وانتقلت لرياض
اتصلت على ادارة التعليم قالو اسمك ينزل بحايل
قلت لهم ابعدل لرياض قالو راجعونا قبل تنزل الاسماء اذا نزلت مافيها تعديل
راجع اخوي ادارة التعليم بالرياض واعطوه استماره جديده نفس اللي عبيناها من مكتب الاشراف قبل
المهم عبيتها وعدلت رغباتي ووقعو عليها ادارة التعليم بحايل
لان شهادتي من حايل يعني من مصدر شهادتك توقعينها
ورجعناها لادارة التعليم بالرياض
بس لايروح منهم ولي امرك لما يعدلونها من الكمبيوتر وهو عندهم
لتاكيد لانها لو ماتعدلت من الكمبيوتر كنك يابو زيد ماغزيت

انا عدلت رغبتي من الجبيل للرياض والله انهم عقدونا بشكل ماتتخيلين كلمت مكتب اشراف الرياض في حي النهضة وقالت لي وحده تعالي المكتب ولما رحت عندهم قابلت موظفة مسؤلة عن شؤون المعلمات وكانت مره حبيبه واخذت اوراقي ,ودخلت على المديره قامت كلمتني من طرف خشمها وقالت مانقدر نسوي لك المطابقة ولا فيه استمارات قلت معي الاستماره اخذتها من النت قالت احنا مالنا دخل ولا بنطابق لك جيبي خطاب من الوزارة علشان اعدلك فمشيت وتركتها وعلى قولتهم رجعت بخفي حنين ,واليوم الثاني رحت الوزارة واعطاهم زوجي الاوراق (الشهادة وكرت العائلة وخطاب ان زوجي في الرياض دخل شؤون الموضفين قال لازم خطاب من صاحبت الطلب وتوقعه بنفسها فكتبه زوجي ووقع عني بدون مايدرون قالوا لازم تودي الاوراق لمكتب التربية والتعليم يطابقون فبحكم مانعرف وين نروح فتعاطف معنا قال خلاص احنا بنرسلها عاجلا انتبهي لكلمة عاجلا المهم اعطانا رقم المعاملة علشان نراجعهم وكمان نكلمهم وبعد اسبوع دقينا عليهم قالوا لسى عند شؤون الموظفين باقي ماراحت وبعد اسبوع دقينا قال باقي في مكانها قلت لازم تروح بنفسك وتخلص الاوراق بينزل التعيين واوراقي مكانها زوجي انجن لانه تمرمط المره الاولى من مكتب لمكتب جلس ساعتين وطفش ولا خلصت المهم ارسل واحد يمون عليه واعطاه رقم المعاملة فراجع وزارة المرمطة قال والله انها من اخر الملفات الموجودة عندهم ولو جلست شهرين ما وصلوا عندها فخلصها ذلك اليوم ولا قام من عندهم الا بعد مادخلها في الكمبيوتر الحمدلله هذي قصتي وسلامتك بس نصيحه روحي لهم على طول وعبي استمارة من البيت وراجعيهم الصباح بدري ,واكتبي خطاب برغبتك في التعديل ووقعي عليها خذي كل احتياطاتك وخلي اللي يراجع لك يروح بنفسه لكل مكان يوجهونه له ويخلصها والله واحد قال لزوجي لا تقوم حتى يدخلونها في النظام فهو عارفهم وتري تو خلصت التعديل يوم الاثنين الماضي الله يعينك ويسهل امرك

يعطيكم العافية