أنا بالرياض واب أروح للجنوب من طرق الخرج .

ياليت أحد يزودني بمعلومات وأفكار وأي شيء عن هذا الطرق وهل ينصح به أم بطريق آخر وأفضل وقت للسير فيه وهل هو سريع أم مزدوج الاتجاه ومحطات الوقود والخدمات ودرجة الأمان به والمسافة بن مدنه حتى ابها وإذا كان في الطريق وصلات بين مزدوج وسريع أن يذكر لي مسافاتها ,,, كل واحد يدلي بما لديه مع أني وحداني (يعني سيارة وحدة ومامعي إلا أم العيال )يعني مافيه اخويا إلا الرحمن سبحانه .

---

وينكم يا اخوان انتظركم

الله يستر عليك أبد الطريق على كيف كيفك طريق مزدوج الرايح لحال والجاي لحال تم الانتهاء من ازدواجيته بس لا تنسى تفلل الموتر بعد السليل لأن المحطات قليله ولا تنسى تاخذ سلاح مسدس مويه ههههههههههههههه
وياليت تريح الدواسر إذا أنت تعبان

اخوي ابو طلال بارك الله فيك

هل حمل السلاح ضروري يعني فيه خ خ خ خطططر ( خرشتني )

وكم كيلو السليل عشان أعبي منه وكم بين السليل وأبها

يمكن بين السليل وأبها 550 كيلو والله أعلم أما من ناحية الأمن فالحمدلله أمن وأمان والجوال شغال معك على طول

السلام عليكم

أجازه سعيده أن شاء الله على العموم الطريق يستاهل 8 من 10 سيدين رايح وللجاي مثل بس مايبيلك سرعة زاية 220 لا تعديها <…… امحق نصيحه.
لا تنسى ان الطريق ماعلية شبك حماية مثل طريق الطائف يعني خذ حذرك من البعارين واللي يقطعون من البر
والله يستر عليك.
أسبوع وجايك وأبرد في أبها البهية وخل عنك ذا الحر الله يعينا علية.

والله عيب اللي يصير يا مشرفين

نكتب مواضيع هااااااااامة عن حقوق المعلمين ولا تسمحون بنشرها وبعضنا أوقفت عضويته لأنه يكتب الحقيقة

وبعض الأخوة يكتب موضوع عن طريق الجنوب وتنزلونه في منتدى الحقوق ؟؟؟؟؟
هالموضوع وين وحقوق المعلمين وين ؟؟؟؟؟؟؟؟

الرياض الخرج الدلم الحوطة ليلى السليل الدواسر تثليث الخميس
الطريق امن
ورايق
بس يبي لك موتر صاحي
والمحطات متوفرة
اعقلها وتوكل
المسافة تقريبا 900كم من الخرج والطريق سريع عدا بعض التحويلات
موفق ان شاء الله