أمانة في أعناقكم يا معلمين من لدية الخبر الأكيد يرد المدير خرب إجازتي

بسم الله الرحمن الرحيم

السلام عليكم ورحمة الله وبركاته اخواني حينما دقت مصيبة الأداء الوظيفي طبولها واصابتي بحالة من التبلد وحالة من الذهول لم أتذكر والله على ما أقول شهيد بعد الله تعالى إلا أخواني المعلمين والمعلمات في هذا المنتدى لأن فيهم أناس حباهم الله بمعرفة النظام وما للمعلم وما عليه وسؤالي لهم الآن بعد تلك المصيبة ولمن لدية الخبر الأكيد واتمنى ان يردوا علي برد يشفي غليلي ويرد حقي وحسبي الله ونعم الوكيل

قصتي

أني في المدرسة اكد واتعب وفي بعض الأحيان والله والله يكاد قلبي يتوقف وانا خارج من المدرسة وكل ما جيت عند مدير المدرسة مدحني حتى في بعض الأحيان اخجل من مدحة حتى لدرجة أني كدت اطلب منه عدم مدحي لاني مليت من هالاسطوانة المشروخة (بيض الله وجهك تعجبني والله أنت من اكفأ المعلمين اسئلتك دقيقة ونموذجية شرحك روعة ومن هالكلام)
السالفة قبل اسبوع من اسبوعين من الآن طلبت من المدير تفعيل حساباتنا من شان النقل وكل مره يقول لا تستعجل المشرف المنسق عطاني الرقم السري خطأ انتظر ومن هالاعذار وانشغلنا باللجان والمراقبة ويت الاجازة وكل واحد راح لأهله وتفجأت امس بأنه بعد كل هالتعب راح سدى والمدح عود ضحك على الدقون انا ما همني انه يمدحني انا ابي حقي وكرفي وتعبي بالمدرسة وللمعلومية عطاني (95) من (100)و كان لدي 3 ايام غياب منها يوم بعذر طبي وتقرير من المستشفى ويوم حسبه من الأضطراريات ويوم حلف بالله انه رفعه اضطراراي مع العلم اني أتاخر بداية الدوام عن الطابور بمعرفته لظرفي وعلى علم بذلك ولكن أنا آخر من أخرج من المدرسة في نهاية الدوام ومجد في مناوبتي وفي الانتظار وكل ما قال شي قلت سم تامر امر مو من شان شي من شان الأداء ابي اطلع من ذيك الديرة الخايسه لا من ناحية الادارة ولا من ناحية الطلاب

1_ يقول في مكالمته ان المشرف المنسق فوق راسي اثناء ادخال الدرجة والغياب والمشرف خواف.
2_ ابي اعرف كم على الغياب بعذر وبدون عذر في الاداء الوظيفي.
3_ هل يحق للمشرف المنسق التدخل في درجة الاداء الوظيفي والا كلها ترجع للمدير اللي اعرفه ان مشرفه المادة له تدخل لكن تدخله تدخل سطحي يعني صوره ان اخذ به المدير او لا.
4_ هل يمكن تعديل درجة الاداء الوظيفي بعد اخالها في النظام وتعديل الغياب
5_ هل فيه شخص يقدر يشيل الغياب بشكل كلي من النظام ويصفرها لي.
6_ لما طالبته بتفعيل الحساب مرمطني وما زال مو مفعل حسابي الى حين كتابة هذا الموضوع ولكن استطعت معرفة درجة الأداء عن طريق بيانات المعلم اللي تدخل رقم السجل المدني وتدش على بياناتك بدون قدرتك على ادخال رغبات النقل لاني الرغبات ما تقدر تدش عليها الا برقمك السري اظن فهمتوا وش اقصد.
7_ هل اقدر اشتكي المدير والمشرف المنسق ونفوذه على المدير وتخويفه له.
8_ بعد ما دخلت على بياناتي لقيت خطأ في سنة التخرج انا متخرج 25 ومكتوب لي 24 هل تأثر في صحة بياناتي او لا مع ان المدير يقول ما تأثر ويقول ما جاك يا فلان ترى في وجهك وتحجج بقوله كل سنة اخلي اخطاء سنة التخرج واصحابها نقلوا.
9_ من له الحق في تقييمي.(والله ضعنا مدير والا وكيل والا مشرف)
10_ هل اقدر اعدل بياناتي الخاطئة والا خلاص راحت علي.