أفيدوني اخبرهم ولا اسكت احسن

السلام عليكم
الله يوفقكم أفيدوني عندما قدمت على جدارة ما كان فيه خانه للخبرات التعليمة وانا الحمد لله عندي ثلاث سنوات في مجال التدريس في مجال قسمي
الحين لمن اروح في المطابقة اقولهم على الخبرات او اسكت أخاف يعتبروها خطا في البيانات المدخلة ويستبعدوني
لأني لمن طبعت الملخص حق التقديم مكتوب امام الخبرات التعليمية لا يوجد
والله احترت طيب وش فائدتها مقهورة يعني ضيعت ثلاث سنوات في القطاع الخاص للفاضي
بس احسها حتفيدني في النقاط بس وربي خائفة ما صدقت طلع اسمي بعد 9 سنوات انتظار ايش تنصحوني أقولهم او اسكت احسن

الله يكتب لنا الخير عاجلا غير اجل
*

---

اقول لكي اذا كانت الموظفه انسانه علي خلق وخلقه واسع فهميها واشرحي له وشوافي ايش تقول

طيب بالله هيا كانت في خانة للخبرات لأني افتكر حاولت كذا مرا اضيفهم بس ما قدرت ولا لقيت خانة أضيف فيها خبراتي وكان مكتوب سيتم الترشيح على الشهادة فقط ياربي انك تساعدني
– أنا بافكر اذا رشحوني من غير الخبرات خلاص اسكت وفي نفس الوقت ما أبغى تضيع عليا نقاط حرام والله
او اخلي يجي التعين وبعدين اقول لهم لأني ما أبغى تسوي لي تعديل بيانات وتقولي انتظري بدفعات الجاية وربي انجلط

ياربي قمة الحيرة وأخاف تطير الوظيفة

اللهم اكتب لنا الخير وين ما كان *

متفائلة بالامل الله يوفقك ويسعدك لردك ان شالله خير باشوف ايش يصير معاية

جزاك الله خيرا كثيرا

في المطابقة
ما يطلبوا الخبرات

ولكن بعد التوظيف
لكل 3 سنوات خبرة يعطونك درجة في نفس المستوى

اتمنى تكون الصورة وضحت

ليلة ممطرة الله يوفقك ويسعدك يارب
طمنتيني الله يطمن قلبك
طيب حلو الحمد لله على كل حال, يارب بعزتك وجلالك تجبر خواطرنا بالهالوظيفة وتسهل علينا وتجعل لنا فيها نصيب يا اكرم الأكرمين

السنه هذي اعتمدوا على شيئين وهما

1- سنة التخرج .

2- المعدل التراكمي .

فقط اما الخبرات والتدريب فلافائدة منها هذا العام

اما المفاضلات القادمة ستكون ضمن المفاضلة .

شكرًا صدى الملاعب لرد
جزاك الله خير