السلام عليكم ورحمة الله وبركاته
حبيت اسأل مشرفي ومشرفات الإختبارات
اللي بيجوا للمدارس وقت الإمتحان للإشراف على الإختبارات …
أمس حصل مشاجرة على تصحيح مادتي
أنا أدرس مادة حاسب
واختبر نظري من 15 درجة وعملي من 15 درجة
ولما يجي وقت الامتحانات اثبت ورقة العملي خلف ورقة النظري وأصحح وأخرج الدرجات
خلف الورقة واجمع النظري لوحده والعملي لوحده ….
كنت أسوي مرايه فس السنوات اللي راحت بس المرة هذي قلت أخرج خلف الورقة أسوةً ببعض المواد …
بس المعلمة اللي تصحح معايه مو عارفة طريقتي وكمان تدرس مادة نظرية بحته …
فلخبطت في الجمع وحصل أخطاء في المراجعة والتصحيح ايضاً …
ولما شافت المشرفة أخطاءنا عصبت وقالت ينعاد التصحيح من
رحنا راجعنا ولقينا أخطاء في اربع ورقات بس سويناها وركبنا عليها مرايات
وقلت الأخطاء اللي حصلناها في اربع ورقات بس وهذي هي جاهزة
قامت المشرفة ترفع صوتها علي وتهزئ قلت لها معليش لا ترفعي صوتك علي
وقامت تهينني وتقول هذي اول سنه لك ؟ وكم خدمتك ؟قلت لا حبيبتي انا لي تسع سنوات خدمة
ومشيت وخليتها
جيت السبت زهموني في الادارة ومعاها مشرفة ثانية قالت اجلسي على هذا الكرسي جلست قالت قومي على هذا الكرسي وقمت … وسألتني انتي كم خدمتك قلت تسع سنوات
…قالت اش هذا الورق معفس وملخبط الحين روحي سوي ورق مرايه وثبتيه عليه ماراح نستلمه بهذا الشكل ….
قلت طيب بلعت غضبي من تعاملها ورحت سويت مرايه وثبتها وعدنا التخريج من أول وجديد وهذي ثالث مرة نصحح ونراجع ونخرج نفس الورق لنفس المادة ونفس المرحلة …
وقالت يالله نفس الشي مع سنة اولى ثانوي ………. وأولى ورقهم مرتب ونظيف لأن المعلمة اللي معي فهمت طريقتي وسوت نفس اللي يبغوه وكان التخريج خلف الورقة نظيف ومرتب ولا فيه شيئ يذكر ….
وقلت ماني مسويته والشغلة فرض سيطرة فقط قالت المديرة سويها بلاش مشاكل ….هنا انا انهرت واجهشت بالبكاء من شدة الظلم ولا احد طالع فيني ابكي رايحة وجايه …وذلك لعدة اسباب:
1. المديرة مهملة مادتي منذ اعتمادها كمادة اساية
2. ما اجتمعت فينا اجتماع الاختبارات وتوزيع الاعمال واللي فهمته كذا بشكل عشوائي ان اللي يصححوا معي هما معلمات علم الإجتماع وعلم النفس
3. المديرة ماتبغى مشاكل على حد قولها وأنا المشاكل كلها طايحة على راسي
4. خرجوا كل المعلمات والإداريات من المدرسة الساعة وحدة ونص وسابوني وحدي مع الخالة وجلست لحالي في الدور الأول
5. طولوا السنتهم علي واستضعفوني ومارسوا مع شتى انواع الضغط النفسي
6. كنت اعاني من حمى روماتيزمية واقول لهم انا مريضة وابكي ولا أحد معطيني وجه
7.أحاسب بجرم غيري
[align=center]
ما أطلبه الآن أود فقط ان استفسر هل من حقهم يطالبوني بإعادة جميع الورق حتى اللي صحيح منها وسليم مع العلم الخطأ كان في أربع ورقات فقط ….ومع ذلك عدت كل ورق ثاني ثانوي أما أول ثانوي فكان سليم مية بالمية ولا أدنى خطأ …
هل من حقهم يعاملوني كذا ….
ابغى أعرف ما الإجراء اللي اسويه عشان أسترجع حقي وكرامتي
وكيف اكتب خطاب للتشكي وإلى أي جهة مع العلم مافيه أحد حتى في الإشراف يعطي أحد حقه نهائي يعني مظلومة اتفلق واصك راسي باربع جدران …
ساعدوني بحل والله إني ظلمت ظلم مايعلم فيه الا الله…
مااااااااااااااااااااذا افعل ؟؟؟؟؟؟؟؟؟؟؟؟؟؟؟؟؟؟؟؟
[/align][/align]
بس ليش 12 زيارة ولارد واحد ولو جبر بالخواطر
والله لو انا مكانك لارد عليها رد بالمثل.. يستهزيء المدير ارد عليه واستهزئ فيه .. انا لا اويد الاية القرانية وقابل السيئة بالحسنة تمحها هذه الاية ماتنفع مع ناس في هذا الزمن اذا الشخص اللي امامي مهما كان احترمني احترمه واذا طول لسانه اطول لساني عيله بالمثل خلكم من الكلام الفاضي الصبر ومالصبر وخلك اخلاق؟؟؟
ترا الارزاق بيد الله اعيشوالله اي مهنة بس ما احد يطول لسانه عليكن عيشوا بكرامة ياناس…
واستغرب منك سكوتك عليهم ترا اللي يرزق هو الله
واحسافه عليكم يانساء اليوم وتبغون احد يساعدكن؟؟؟
بداية أتباع اللوائح وأنظمة الأختبارات أمر مفروض ولا نقاش فيه .
وكذلك ما يصدر من إدراة المدارس من تعليمات تنظيمية لسير الأختبارات .
أما الأسلوب المتخذ معك بهذا الشكل ترفضه جميع الأديان السماوية فكيف بالأنظمة البشرية , وما قامت به المديرة والمشرفة لهو تصيد لخطئك وضعف حيلتك وخاصة النظامية .
فكان يجب تحري الدقة في التصحيح وكذلك سؤال المديرة عن الطريقة التي تودين السير بها قبل الاختبارات , وهذا ماكنت اريده منك فلو اطلعتي المديرة وتمت الموافقة , ستتحمل هي الخطاء .
ولا انصح بتصعيد الأمر شكواك ستكون أقل من شكوى المديرة والمشرفة , لو صعد الأمر .
عزي دموعك تعزك .
همسة :- دڨيتهًا ڷطمـًہ ۉرحّت زعڷإنَ طبًع بدۉيَ ڷإضاَڨ ڷًف اڷعمآمہ .
ولو رفعت راح تكون ضعيفة ولا أحد يعطي وجه … مهما كان تظلمي ….
وإذا سمحت ممكن تشرح لي هذي الهمسة عجبني هذا الكلام بس مو فاهمة معناه ليتك تشرح لي عشان افهم
همسة :- دڨيتهًا ڷطمـًہ ۉرحّت زعڷإنَ طبًع بدۉيَ ڷإضاَڨ ڷًف اڷعمآمہ .
وارجو ا مراعات ادقة في التصحيح والجمع والرصد والمراجعة اكثر من مرة
حتى تنهي عملك على اكمل وجة ولا تجعلي احد يفك عليك فمه
واللة يوفق الجمعي ______ المجهر 101
امر الاختبارات من اهم الاشياء في التعليم حيث الخطاء فيها غير ممكن ويترتب علية اضرار بالطالب او الطالبة وارجو ا مراعات ادقة في التصحيح والجمع والرصد والمراجعة اكثر من مرة
حتى تنهي عملك على اكمل وجة ولا تجعلي احد يفك عليك فمه
واللة يوفق الجميع ______ المجهر 101