ماذاتفعل لوحصل لك هذا الموقف

بسم الله الرحمن الرحيم
اخواني المعلمين تحيه لكم من القلب الى القلب وبعد
اثناء المراقبه في صالة الامتحانات وفي المرحله الثانويه وجدت طالب جالس يغش من برشامة معاه
1-هل تسحب البرشامة وتخلي الطالب يكمل
2-تطنش ولكنك شفته اصلا
3-تنادي على الوكيل وتسوون محضر غش وتحمل النتيجه يالمعلم وماهي النتيجه هي سيااااااارتك لمن تطلع تحصلها محروقه او البودي يفتح الله ومين يعوضك المدير والا الوزاره المحترمه
وما خفي كان اعظم
بالنسبه لي حصل هذا الموقف وانا اراقب في الثانويه مادة الكيمياء تدرون ايش سويت سحبت البرشامه وخليت الطاب يكمل وبعد الاختبارات اذا هذا الطالب يحب على راسي ماادري الي سويته صح والا ؟؟؟؟؟؟؟؟؟

---

انا لو مكانك راح اسوي نفس اللي سويته …………

النظام ماه في صف المعلم
لأنك لو سلمت البرشام بيضطر معلم المادة انه يقراه ويقارن اجابات الطالب بالبرشام
خذها من قاصرها وقطع البرشام وخل الطالب يكمل

اذكنت من مدرسين الصفوف الاوليه
ومكلف في ثانوية
والله لخليه يغش علي كيفه وساعده في الغش
مادم الوزاه بايعتها خلينا نبعها ونبيع ضميرنا معها

تصرفك صحيح وانا هذا اللي اسويه..

وبعدين لو بلغت الوكيل تدري وش التصرف اللي راح يسويه اذا كان نظامي

تلغى الفقرة اللي غش فيها ويكمل الاختبار .

واذا تكرر الشيء هذا ثلاث مرات من نفس الطالب ذيك الساعة يطبق عليه النظام.

يعني ياطالب امامك ثلاث محاولات للغش فاستثمرها

هذي هي التربية من وزارة التربية

الخيار رقم (1)

مممتاز ومجرب

ملاحظة /

لائحة الاختبارات الجديدة تنص على :
1/ إذا وجدت الطالب يغش فأنذره شفهيا
2/ إذا قام بتكرار الغش أكتب علي محظر يسمى ( إنذار )
3/ إذا قام الطالب بالغش للمرة الثالثة فعليك فقط بـ كتابة محظر غش ودون سحب الورقة بتاتا
4/ إذا كان لدى الطالب الغاش برشامة فقم بأخذها واترك الطالب يكمل ثم عليك بتدبيسها بورقة الاجابة وعلى المصحح حذف فقط السؤال المتعلق بالبرشامة وانا بقية الأسئلة فصححها وسجل درجته

هذا والله أعلم

معلومات جديدة يعني النظام اذا غش الورع ومسكتة ما يحرم من الاختبار بس الفقرة اللي غشها…..