اليوم نزل راتبي

اليوم نزل الراتب والحمدلله رحت شيّكت على الحساب في الصرّاف لقيته 6300 وحاجة المهم أنا ما تفاجأت لأن راتبي المهضوم 8640 ولأن فيه قسط للبنك راح منه 2200 قلت يالله خلّني أسدد فاتورة الجوال وسددتها بقيمة 895 يعني بقي من الراتب 5405 قلت يالله الحمدلله خلني اخذ الباقي قبل لا يصبح الصبح وبقدرة قادر ما ألقى شي في الحساب …… وما هي الا دقائق الا وجوالي يظهر عليه رقم احدى الزميلات ……..وعلى طول افتكرت الجمعية >>> بسم الله علينا <<<<<<<<<
ايش عرفها اني كنت جنب الصّراف وعلى طول حطيت على جنب وبقي معاي 3405 … وصلت البيت الا والشغالة تقول هاه مدام اليوم فيه راتب بغيت أسوي زي الوزارة وأقول لها انت بالشكل هذا تهزين ميزانية البيت لكن تذكرت انه مايجوز وطلعت 1000 ريال وقلت لها حلال عليك كم بقيييييييي يا حلويييييين شطّااااار ………بقي 2405 طبعا 400 ريال ……..كل معلمة تعرف انها ما تسوي شي مع اللي طالبته المديرة من القطيّة حقت راتب المسئولة عن الحاسب بالمدرسة و المراسلة اللي تجيب لنا الفطور والعيش وتسوي لنا الشاي ووووو وما ننسى قطيّة الفطور اللي ابلة فاطمة كل يوم 24 بالشهر توصي كل وحدة بان لا تنسى فلوس الفطور بكرة … وهناك أمر مهم ايضا طالباتنا يبون حفل تخرج يعني ملزمات بدفع تكاليف التخرج والهدايا والضيافة وووو المهم حطيت الالفين قدامي وانا اناظرها بحسرة واقول بيني وبين نفسي …. انا الحين اطامر بين مدرستين وندب وقلة حيا من مديرة ومشرفة وهذا اللي يصفى لي بالأخير ؟؟؟؟؟
لكن ما اقول غير الحمدلله على كل حال وما مداني اجفف دموعي الا وباب غرفتي يدق وولدي من برى يقول ادخل يمه؟؟؟؟ ولما دخل قال بمكر كأني اشم ريحة فلوس >>> مكار زي ابوه<<<< قلت هات من الأخير ايش بغيت قال تعرفين يعني سيارتي من اخر مرة صدمت فيها وانت تقولين باسويها لك وما سويتيها …….وعلى طول مرت قدامي صورة فلوس بأجنحة تطير وقلت لا مو الشهر ذا الشهر الجاي انشالله ….قام وعصب وقال أصحابي بالجامعة صارو يحزنون علي اذا شافوني بالسيارة ويقولون لي هذا وانت امك معلمة يا حبيب الماما ….. قلت خلاص باسويها لكن اذا طلعت اكثر من الفين الله يعينك تداوم فيها وهي كحيانة يانظري……
أدري اني أطلت عليكم لكن توي الحين اقدر أنام وأنا فضفضت ما بداخلي قبل لا يجي زوجي ويقول ليش مكشرة …….. وين الرااااااتب

---

ولا زالت المعاناة ولكن لا أريد الاطالة

الله يعين
والله يرحم الحال
لا تشكين ابكيلك
وعليك بالصدقه فهي تجلب البركه

والله عليكي بسورة الواقعه فهي بعد الله تبارك الرزق
وانا مجرب

جزاك الله خير أخي كجمغلي وبارك الله لنا ولك

راتبي 6369 ريال
.
.
.
واليوم الموافق 25 الساعة 11:27 د مساءً والله لم يبقى في حسابي غير 354 ريال
يالله روحي نامي

والله انك ضحكتني الله يفرّج همّنا وهمّك وفعلا اقدر انام قريرة العين

اللهم اطرح البركة في أموالنا