استفسار من معلمي الابتدائي في الرياض؟؟؟؟؟؟؟؟؟؟

جاني نقل لــ (الرياض)لتدريس المرحلة الابتدائية
فضلا لا أمرا من لدية معلومة عن أفضل المدارس الابتدائية
وما هي أفضل الأحياء لسكن العوايل من حيث الهدوء والأمن(عاد مشاكل الأيام هذي كثيره)الله يلطف بحالنا؟
وهل أسعار الإيجارات فعلا بدأت بالنزول ؟

ونسأل الله التوفيق لي ولكم,,,,,,,

---

حياك الله اخوي والله يعينك على غبار الرياض وزحمته والحمد لله الله فكني ونقلت جد
أما أفضل الأحياء فهي كثيره. لكن من تجربتي الخاصه كان حي اشبيليه وقرطبه وغرناطه والنزهه والمصيف والمغرزات والواحه وشمال الرياض بشكل عام.
ونصيحتي انتبه من النظيم والنسيم ووسط وجنوب الرياض.
اممممممم بالنسبه لمركز اشراف الروضه فهو الأنسب والإسكانات هناك جيده وجديده ومتوفره, يعني صح فيه أحسن وأذوق بس هي بعد حلوه وأنيقه وهمسه بإذنك ايجاراتها الأفضل, يعني مثلا الشقق الجديده تتراوح بين 18000 و 2 غالبا , والأدوار من 28000 وانت طالع وغير صحيح بنزول الإيجارات. طبعا بعيدا عن حي الخليج ابعد عنه شوي.
امممم بالنسبه للمدارس أنصحك بالمستأجره وخصوصا عبدالله بن حكيم طريق الملك عبدالله تابعه لمكتب اشراف الروضه جداااااااا ممتازه وكذلك مجمع الامير سلمان وخالد بن الوليد وعبدالرحمن الفيصل وابتدائية الحمراء

حياك الله اخوي بس لا تنسى تجيب معك كريك عشان تطلع مدرستك من تحت التراب
الشئ الثاني اذا جا تعينك في المدرسة النموذجية التظبيقية فلا تفرح بإسمها لانها اخس والعن مدرسة في المملكة وخاصة هي تبع مركز اشراف الغرب ياسلام
واذا جيت انشاء الله ترتب الشرائح فحط الشرائح الشماليه ثم الغربية وبعدين الشرقية في الاخر الجنوبيه
والله يوفقك

احسن مركز هو مركز الشرق
اما الاحياء فسجل عندك
1- الروضة
2- اشبيليه
3- الجزيرة
4- القدس
5- والشمال بصفة عامة
ونصيحة ابتعد عن الجنوب والغرب
وابتعد عن النسيم والسعادة والنظيم والله هناك المصائب
وبصراحة خليك حول اهل الجنوب وابتعد عن الاحياء العشوائية
وحياك الله بين اهلك

حبيبي مبروك النقل أولا.
أولا انت ماتطلب مدارس راح تطلب شرايح
ونادرا مايحققون رغبتك.
أكثر الردود تنصحك بألابتعاد عن الجنوب فهذا غير صحيح.
أنا درست في الجنوب 5 سنوات أكثر سكانه من الحوطه ومن الدواسر ونعم الرجال.
أتمنى لك التوفيق.

كل قبيلة فيها الصالح والطالح
نرجوا التحلي بالاخلاق الاسلامية

وتعوذوا من الشيطان

نتمنى عدم خروج الموضوع عن ما كتب له

بسم الله الرحمن الرحيم
السلام عليكم ورحمة الله وبركاته ………….. وبعد
الاخ الفاضل / المعلم المنقول لمدينة الرياض ………………. المحترم
انا معلم في الرياض لمدة 7 سنوات وحتى الان . وردا على استفسارك بشأن المدارس والمواقع
الجيدة للسكن . بالنسبة للسكن الامن فالافضل بان تسكن في شرق مدينة الرياض وئلك ابتداءا من
مخرج 17 وحتى مخرج 8 على الدائري الشرقي وتكون الاسعار مناسبة نسبيا ترتفع كلما تتجه
شمالا . والمدارس ايضا بها ممتازه من ناحية مستوى الطلاب التعليمي والاجتماعي .
اما شمال الرياض الذي يبدا من مخرج 7 وحتى مخرج 2 علئ الدائري الشمالي فهو يعتبر
الافضل ( The Pest )ممتاز جدا . حتى في الاستئجار.
ونصيحة من اخ مجرب حاول قدر المستطاع الابتعاد عن جنووووووب الرياض . وجنوب غرب
الرياض ما امكن . فالله اعلم بما فيه ….. وشكرا