سؤال عن مسيرات الرواتب ???

السلام عليكم ورحمة الله وبركاته
سؤالي عن المسيرات هي تجي كل شهر للمدرسة
لان لي عشر سنوات موظفة ماعمري شفتها
*

---

إلى ـألاخت ـألعزيزة نعم كل شهر توصل إلى المدرسة ….تحياتي………….

طيب ليش ماقد شفناها وهل من حقي
اسأل المديرة عنها والاممنوع المعلمة تطلع عليها واذا كانت ممنوعة وش فائدتها كل شهر تجي ومتاكدة جميع المعلمات ما قد شافوها
ومشكور اخوي

مَاتجي للمدرسه المُدير هُو اللي يرفع ذلك لهم .,والمسيّرات في الشؤون المالية بالإداره التَابعة لهَا .,في بعضِ الإدارات من حقك رؤية مُسيّرك من خلال الدخول على موقعهم على سبيل المثال " إدارة التربية والتعليم بالدوادمي " لديها ذلك…وبالتوفيق اختِي الفاضله

أغلب مدارس المعلمين تجي ويوقعوا عليها اما نحن المعلمات لنا الله ما نشوف شي

المسيرات تنزل بشكل شهري قبل نزول الراتب بحوالي اسبوع ..

اللي يبي يشوفها يمر على المدير ويطلع عليها ..

وما عمرها مرت علي اوقع عليها ..

وما اشوف ان لها فايده لان في العاده الواحد يعرف كم راتبه ..

مرة وحدة تجيبها المديرة بعد راتب شهر واحد وفقط نشوف الراتب وغيرة تغطي بيدها

حسب معلوماتي إن المديرة ممكن تسحبها من بريد المدرسة