يصيح يقول : تكفى يا أستاد
قلت: خير . وش السالفة
قال: الولد الولد
قلت : أي ولد ؟
قال: ولدي يقوم نصف الليل يصيح
قلت: وش دخلني إن شاء الله ينفلق حتى – إيش يقول
قال : يصيح ويقول تكفون الانجليز الانجليز ( الرجال بدوي)
قلت وش فعلوا به الانقليز
قال :المادة ما هم الانقليز
قلت: أشوى .بس تراني مانيب طبيب شعبي. رح به لطبيب نفسي يعالجه
قال : انت الطبيب النفساوي والشعبي
قلت : والحاله هذي تجيه من كل المواد
قال :لا . من الانقليز بس
قلت : متأكد ؟
قال : أفا مكذبني !
قلت إي والله إنك أكبر كذوب (تسذوب)
المسرحية هذي قلتها للمعلمين كلهم
وجاي تبي تبيعها عليّ
قال: تبا (تبي) العلم
قلت : هات وعجّل .
قال: والله ما فيك خار(خير)
يامعلم لغة الكفرة(الكفار)
قلت: أحسن من ما أكون بطل سيناريو حزين
كاذب (تساذب)
أكرمكم الله
وبعد أسبوع
جاء وقال : يمكن أخطيت علاك السبوع الأول
قلت : متعودين. وش عندك
قال : نبا الموضوع فزعة منك
قلت : وش الموضوع
قال : الولد له ثلاث سنين بأولى ثانوي
ولو رسب بيجيه
(تعيقد نفساوي)
قلت ياعمري على الإحساس المرهف
والله محد يبغاله علاج هالايام إلا المعلمين و المعلمات من كثر ما يشوفون من بلاوي وساكتين جاهم المرض!!
شكرا لك اخي على الموضوع المميز …………………
أولى ثانوي مقبرة الطلاب زي مايقول الكثير منهم
شكراً سعيد
الله يعطيك العافية اخوي سعيد
تحيتي لك
اجل معلم لغة الكفار هههههههههههههههه
الله يعينك اخوي سعيد
يقوم ويصيح مدري يقصد ايش كانه يلمح اني مخوفه
البارونة
سرّي للغاية
بدهان
دكتر كف
مهم
الظاهر إني بأكلّم أخواني ,وأخلّيهم يربّطوني ويدخلوني على الملك
ويقولون له : الرجال مدرّس يقوم بالليل يصيح ويقول : المستوى الرابع المستوى الرابع
وأحياناً يقول : الفروقات الفروقات
هو عندك له علاج