السلام عليكم
أرجو المساعدة
أنا ساكنه في الرياض وصدر قرار تعييني في الدوادمي، بس ما اعرف أي قطاع اختار واي قطاع هو الأقرب للرياض (ماللي الا السيارة 
)
تكفون الله ييسرها عليكم أي القطاعات اقرب لي؟
الدوادمي
عروى
السر
الجمش
نفي
القرنة
البجادية
حديجة
الوادي
تكفون ساعدوني واذا تعرفون المسافة بين الرياض و هذي القطاعات فما تقصرون
القرنة ثم السر
هي اقرب القطاعات الى الرياض
والمسافة ممكن من الرياض 350 تقريبا
اولا لاتفكر تتردد كل يوم ثاني شي القرنه والسر مثل ماقال الاخ حلمي ماجستير هي الاقرب لكن الفرق كله 30 40 كيلو عن الدوادمي وكمان السكن في الدوادمي افضل والخدمات افضل والمسافه الى الرياض عن طريق شقرا 316 بالضبط وفي طرق اقرب كمان
والمدارس التابعه للدوادمي مافيها جلد واعرف كم معلم في مدارس القرنة والمحمدية ساكنين في الدوادمي
والبجادية تبعد عن الدوادمي 70 كيلو للغرب يعني ابعد
وعروى وحديجة جدا بعيدة وخر عنها خلها اخر شي
نفي تبعد عن الدوادمي تقريبا 60-70 والجمش ابعد منها ب20 30 تقريبا
الترتيب حسب الاقرب من الرياض والله اعلم
-السر 270 تقريبا
-القرنة 270 تقريبا
-الدوادمي 316
-نفي 366 تقريبا
-الجمش 380 تقريبا
-البجادية 386 تقريبا
-عروى وحديجة والوادي ما ادري عنها
انصحك بالدوادمي هي الافضل انا درست فيها سنتين و انا من الجنوب و اخذ طيارة كل اسبوعين من الرياض
والطريق من الدوادمي الى الرياض جيد جدا
أختى عروى هي الاقرب وخطها ممتاز جداً بنسبة لرياض
هذي معلومة عن القرية ( عروى التي تقع شمال الرويضه 20 كم و التي تبعد عن الرياض 250كم )
من الرويضة لعروى 20 كم خط زراعي لكن ممتاز . ومن الرويضة لرياض مع طريق الحجاز السريع ( الرياض – الطائف ) 250 كم ..
قرية سكانها عتبان ( لقبهم المقاطي ) ونعم فيهم .. أهلها مره طيبين ..
هذي الخريطة
اذا كان الهدف من سؤالك التردد يوميا من الرياض مع اني احسها صعبه ومشوار طويل فمثل ماذكر بعض الاخوان افضل شي عروى ثانيا القرنه ثالثا السر
اذا كان الهدف من سؤالك السكن فانصحك تختاري بالترتيب
اولاً الدوادمي
ثانياً السر
وتسكنين ساجر افضل مدينة للسكن بعد الدوادمي على مستوى المحافظه
ثالثاً القرنه
وممكن تسكنين الدوادمي
البقيه مشكلتها تختلف المسافات من الدوادمي حسب موقع المدرسه الي بتعيننين فيها فمثلا قطاع نفي ، تبعد نفي عن الدوادمي 90 كلم وا ابعد مدرسة في قطاع نفي عن الدوادمي 150 كلم ونفس الحال الجمش و البجاديه
رابعاً الجمش
خامساً البجاديه
سادساً نفي
سابعاً عروى
ثامناً حديجة وهي ابعد قطاع
الله يعينك ويسهل امرك ويرزقك بالنقل
لكن والله يا اختي اشوف انك تشيلين فكرة التردد عنك والله ييسر امرك
ووالله اقولها من تجربة 7 سنوات
انت صاحية تفكرين ترددين من قرى الدوادمي للرياض ؟ !!!!!!
ماهي قريبة علشان ترددين
وبعدين الدوادمي طرقها كلها فاشلة وخاصة القرنة وابن جامع دروبها وعرة
القرنه اقرب قطاع لك وكذلك السر بس انصحك تختارين اقرب قطاع للدوادمي وتسكنين الدوادمي وترتاحين والله نصيحة وانت بكيفك
