انا طلبت نقل ظروف خاصه منذ شهرين والحمد لله رفعت اوراقي
لكن ظهر لي في بيانات التكامل حق رغبات النقل الخارجي في بيانات المعلم مكتوب في خانه ( حاله المعلم ) نقل ظروف خاصه
وهذي لم تكن مكتوبه من قبل … فهل معناها اني نقلت
ارجو لمن لديه علم بالسالفه يخبرني واكن له من الشاكرين
اناطلبت ورفعت اوراقي وقبل طلبي من قبل المنطقه الى انا فيها وارسلوا اوراقي للرياض ينتظرون الموافقه ولم يكتب امام الخانه نقل ظروف خاصه
وفي معلومة راجعهم لانهم عملوا اللجنه اخوي وبالتوفيق
ومتى سوو اللجنه تحديدا
أحبتي
النقل للظروف الخاصة بعد أن ترفع معاملتك من ادارتك توصل للوزارة وبدورها ترسلها لوكالة الوزارة للشؤون المدرسية المبنى الثاني بحي المربع وهناك تحول للجنة الظروف الخاصة
لجنة الظروف الخاصة تجتمع كل اسبوع وتدرس الحالات الوارد لها وان كانت طبية تحيلها للجنة الطبية مثل مرض الابن مثلا او مرض المعلم
بعد ان يتم القبول يصدر قرار نقلك لمنطقتك المنقول منها برقم صادر ويكون أصل ويصدر صورة من أصل القرار للمنطقة المنقول لها وصورة او صورتين تقريبا لشؤون المعلمين بالوزارة وصورة لوكالة الوزارة للشؤون المدرسية وتاخذ بالبريد لين توصل لمنطقتك حوالي اسبوع او 8 ايام الى 10 ايام طبعا أنت تستطيع الاستعلام عن سير معاملتك عن طريق موقع الوزارة خانة استعلام عن معاملات …
ان لم يقبل طلبك مثلا تقوم اللجنة بارجاع المعاملة مع توضيح السبب وان كانت معاملتك ناقصة تعاد بتوضيح المطلوب من النواقص وارفاقها معها لرفعها مرة اخرى
طبعا الان ابو رناد انت تقول انك مكتوب عندك بخانة حالة المعلم نقل ظروف خاصة .. بالتالي طلبك مقبول وتم نقلك ورغباتك راح يحذفونها بس راح يتصلون عليك ويستاذنوك بحذفها .. اما كان نقلك على رغبة غير رغبتك الاولى فلا اعلم ماسيكون الاجراء وقتها واظنه نفس الاجراء تحذف الرغبات وتخرج من حركة النقل
الان يابو رناد روح لموقع الوزارة وشوف معاملتك ويينها فيه هل خرجت من اللجنة وراحت لمنطقتك والمنطقة االمنقول لها والا لا .؟ عن طريق استعلام عن معاملة تضع فيه رقم المعاملة ويتضح معك
وبكل الاحوال اقول لك مبرووووووووووووووووووووووووووك على الموافقة من اللجنة على نقلك ..
__________________________________________________ __________________________________
امس استلمت اخلاء الطرف وخلال الاسبوع القادم ان شاءالله اخلي طرفي من المدرسة والادارة واباشر في الادارة الجديدة
بالنسبة لاخلاء الطرف هل اذا اخليت طرفي من ادارتي الحالية لازم اباشر في الادارة الجديدة ثاني يوم؟ لاني لازم اسافر 1200 كيلو من الشرقية للطائف