لمعلمي ومعلمات التربيه الخاصه لماذا هذا السكوت على حقوقكم لماذا يسلب بدل التربيه الخاصه عيني عينك منكم وانتم لا تحركون ساكن لماذا ينزل البدل لمعلمي الرياض فقط وانتم لا لان معلمي الرياض جنب الحكومه ولان اكثرهم واصل بالعربي عطران شوارب
اما الشرقيه وباقي المناطق ما يشوفونهم شي وما الومهم لان ما فيه ردة فعل المعلم اذا مر من عند ادارة التعليم جاته ام الركب
اقل مافيها اكتبو في المنتدى حركوا القضيه وكلو المحامي المالكي
اللي يقدر يوصل القضيه للاعلام لا يبخل علينا يوصلها اقل شي للجرايد مع اني غاسل ايدي من هالجرايد اللي احسن ما فيها انها تجي سفره
هالوزارة تبي تاكلنا مكل ولكن سوف نقاوم حتى لو مايبقى من الراتب الا حق البنزين
ارجو من ادارة المنتدى والاعضاء المحترمين التفاعل مع قضية بدل التربية الخاصة واعتبارها قضية زيها زي قضية تحسين المستويات
ولكم مني جزيل الشكر
والمعذره اذا كان فيه كذا ولا كذا لاني متحمس شوي