ابعث بهذه الابيات المتواضعه الى اللجنة الوزارية وفقهم الله جميعا لما يحبه ويرضاه
يالجنة ً فيها جميع الوزارات * ياليت تعطون المعلم حقوقه
المستوى الخامس معاه الفروقات *المستوى تكفون لاحدن يعوقه
واللي خدم عالبند يبغى المساواة *الدم وقـّف ما مشى في عروقه
واخواتنا يقطعن طول المسافات *والنوم له طعمن ولاحدن يذوقه
هات الخبر تكفون هات الخبر هات *هات الخبرودي لغيري نسوقه
هذي حقوقن ضايعه من سنوات * والحق مهما طال يعرف طريقة
كلن اخذ حقه بكل القطاعات * حتى المدرب يوم درب فريقه
والطالب اللي ماستلم له مكافات * حقه يجي يوم استلام الوثيقة
واللي يسوق الونش ويسوق باصات*حقه يجي بالطيب ولا بضيقة
الا المعلم راتبه ناقص ميات *واقسمت بالله ان هذي الحقيقة
من حصة لحصه متاعب وصيحات*ريقه نشف في الفصل ما بل ريقه
الخير جاي وفيه بعض البشارات *الخير جاي اشوف لمع وبريقه
هذا المعلم يحترق حرق شمعات * حتى يضي للي مظلـّم طريقه
كل الامل في الله ثم الفروقات * لو جت بتنقذنا وتطفي الحريقة
ادعوا في اخر شهرنا كل دعوات *ان الفرج ياجي ولاحدن يعيقه
وادعوا لابو متعب ملكنا بطاعات *عند الفطور وكل ما مَـرْ دقيقة
الله يابو متعب يجازيك خيرات *فرجت همن للمعلم رفيقه
صلوا على المختار من جا بالايات *من بين احكام الوضووالعقيقة
اللي ختم بالدين كل الرسالات *من حرم انك تستمع للموسيقة
وفالكم الخااااااااااااامس والفروقات ان شاء الله … وحقنا سوف يأتي بإذن الله
صح لسانك ياذيب ريقه نشف في الفصل ما بل ريقه