هل التدريس بالجامعة راحة وأفضل من المدارس

ودي أعرف المعيد بالجامعة ما له وما عليه
ودي أحد يصف لي أجواء التدريس بالجامعة

---

لكوني عضو هئية تدريس بالجامعة …بسم الله ماشاالله

انا عملت في التربية والتعليم ولكن مع طلاب تربية خاصة ( تخلف عقلي ) واعمل الان بالجامعة فالوضع مااختلف علي كثيرا اما الذين يعملون مع التعليم العام ففيه اختلاف لكن خذ عندك…..

** عدد ساعات المعيد والمحاضر 16 ساعة والاستاذ المساعد 14 والاستاذ المشارك 12 والاستاذ الدكتور ( البروفسور) 10 والزيادة بحقها يعني لو زاد المعيد او المحاضر او الدكتور ولو ساعة ياخذ عليها بدل كلا حسب درجته العلمية

** التدريس في الجامعة يبداء عادة من الساعة 8 صباحا وممكن محاضراتك تبدأ من 10 صباحا وممكن من وحدة ظهرا وممكن مايكون عندك في اليوم شي ابد.

** طبعا لايحتاج عضو هئية التدريس الى توقيع حضور وانصراف زي وزارة التربية والتعليم.

** في التعليم العالي تدرس ناس كبار بالسن عمره مايقل عن 19 واحيانا تدرس ناس اكبر منك بالعمر يعني ناس عقال .

** حضور مجالس القسم عليها مبالغ مالية مقدارها 300 ريال لكل جلسة واعضاء مجلس الكلية 400 ريال لكل جلسة ولاتقل الجلسات عن جلسة او جلستين بالشهر لمناقشة اوضاع الاقسام والجديد واوضاع الكليات.

** لندرة اعضاء هيئة التدريس في الجامعات فا اعتقد ان وضعهم افضل من المعلمين من ناحية المكانة الاجتماعية.

** عادة المحاضرة تعتمد على عضو هئية التدريس واريحيته ومدى تمكنه من المادة العلمية بس مايخليها كلها درس لابد من ساعة وساعة وتغيير الجو .. وعادة المحاضرة لاتعطى كاملة يعني لو المحاضرة ساعتين يدرس الدكتور ساعتين الاربع او الا ثلث او ساعة ونصف كحد ادنى

اي سؤال انا جاااااااااااهز

الدوام كالتالي تجي قبل محاضرتك بعشر دقائق ويمكن بعض الايام تكون فاضي تماما فلا يلزم حضورك للجامعة ولكن عليك الالتزام بساعاتك المكتبية ….

اتمنى ان تكون وصلت الفكرة

أشكرك أخوي راعي الشاذلية على الرد
بالنسبة للحضور والإنصراف لا يوجد أبدا طيب ماذا عن الغياب لا يوجد حسم أو شيء من هذا القبيل
وماذا عن راتب المعيد بالجامعة هل يقارنبالمعلم

طيب من ناحية الرواتب ؟

وبالتحديد كم راتب المعيد والمحاضر والدكتور , وسلامتك يا الغالي ؟

وهل هو شرط إني إذا حصلت على الماجستير إنني أنقبل ولا يبي لها واسطة ؟

أسأل الله لك التوفيق في الدنيا والآخرة ..

اخي الكريم كل جامعة من جامعات المملكة تعتبر وزارة مستقلة تماما …… يعني هي اللي توظف سوا عضو هيئة تدريس او موظفين مراتب رجال ونساء وغيرها……

اما بخصوص الحضور والانصراف فلا يوجد توقيع وزي ماقلت لك انت ملزم بمحاضراتك وبساعاتك المكتبية وبمجالس القسم فقط وهذا بسبب ان عضو هيئة التدريس وصل الى مرتبه علمية

عالية ومن الصعب او العيب اخذ الحضور والانصراف عليه فهو في مكانه اكبر من كذا لاسيما الدكتور ……. ويمكن يكون عندك يومين فاضي ( اقصد ماعندك لامحاضرات ولا ساعات مكتبية )

وبالتالي لايلزم حضور وليس عليك غياب ………. بعض الدكاتره شهادته العلمية اكبر واعلى من عميد الكلية او حتى وكيل الجامعة وانتاجه العلمي من البحوث والكتب اكثر بكثير من رئيسه سوا عميد او غيره…..

راتب المعيد الجديد قد يفوق المعلم الجديد بسبب البدلات التي يتقاضها مثل……………… 20% بدل جامعة ناشية تحسب من الدرجة اللي انت عليها ( الدكتور 40%) ……. 20% بدل ندرة حسب تخصصك الدكتور (40%)

25% من الراتب الاساسي للدرجة بدل تدريس جامعي ……… وفيه جامعات تصرف 25% بدل حاسب الي ……………. وفيه جامعات تصرف حتى للمعيد بدل سكن مثل جامعة الملك خالد باابها

والله لقيت دكتور يقول استلم 140% ماشاالله وتوه ماخذ الدكتوراه قبل 3 سنوات يعني راتبه يتعدى 40 الف هذا غير انهم موفرين له سكن وغير مجالس القسم ووووووووو …..ماشاالله ماشاالله

اخي الكريم اطلع على سلم الرواتب وبتعرف ويختلف الراتب باختلاف السنة وباختلاف الدرجة العلمية كما اسلفت وذكرت ذلك

لا مو شرط انك تحصل على الماستر تقبل او حتى الدكتوراة مو شرط انك تقبل ……. والله اعرف ناس حاصلين على الماستر من امريكا ومن جامعات معترف بها ولا تم قبولهم مع ان فيه الكثير من الاجانب.

وبقسمنا تقدم العديد حاصلين على الماستر والدكتوراة وقبلنا فقط 2 والباقين اعتذرنا منهم اما بسبب تقديرهم في البكالوريس اوبسبب اعمارهم او بسبب عدم اقتناعنا برسالتهم او بسبب اختلاف تخصص البكالوريس عن الماستر …

بس اذا تخصصك نادر وامتداد تخصص ممكن تقبل ……. اما بخصوص الاطباء فلهم احتياج رررررررررررررررررررررررررررررررهيب في جميع الجامعات …… يعني تتخرج طبيب اي تخصص يشحذوووونك تجيهم

الله يعطيك العافية على الشرح الوافي

كأنك ما ذكرت الأهم ؟؟

مثل سهولة اكمال دراساتك العليا ماجستير ودكتوراه , لدرجة أنهم يجبرونك لإكمال الماجستير , ولا تبقى على وضعك معيد

والدراسة بالطبع في إحدى الدول الأجنبية .

وكذلك البدلات , كبدل جامعة مستحدثة وبدل اكتمال نصاب , وكبدل استخدام الحاسوب , وكبدل تخصص نادر , وكذلك بدل التدريس في كلية تبعد عن الجامعة الأم أكثر من 70 كيلو لي صديق دكتور في كلية تابعة لجامعة طيبة وصلت بدلاته إلى 85% إضافة إلى راتبه ( ما شاء الله تبارك الله )

على الرغم ان غالبية البدلات يستفيد منها أكثر الدكاترة والمحاضرين , على اعتبار أن المعيد لا يبقى معيد طول عمره , وانما يتم اجباره على اكمال دراسته .

أضف إلى ذلك تامين السكن , فجميع الجامعات وضعت خطة لبناء وحدات سكنية لأعضاء هيئة التدريس , بعضها بدأ وبعضها سيبدأ , والميزانية تم ضخها لهذا الغرض

واتوقع أن الامر لا يتجاوز 5 سنوات لتكتمل جميع الوحدات السكنية في كافة الجامعات السعودية .

يكفي أنك تسكن في مكان كل جيرانك أعضاء هيئة تدريس , ومدارس لأولادك ,

أيهما تفضل أن يكون جيرانك دكاترة جامعات , أو عساكر , عاد العسكر وضعهم غير تلقى الواحد رتبته عريف وعنده 15 طفل , وأنواع الازعاج .

المهم الله يرزقك أخوي راعي الشاذلية ونشوفك دكتور ورئيس قسم التربية الخاصة أو عميد كلية التربية الخاصة

المهم اذا عندك واسطه لا تنساني ههههههه تراني حاصل على الدكتوراه منذ مبطي