موفد خريجات الدبلوم من اولياء الامور

؛

؛

اولياء امور خريجات دبلوم كليه التربيه يجب ان يكون لهم وقفه تضامن معنا ،،غالياتي ، من لها ياخريجات دبلوم كليه التربيه المتوسطه ؟

نريد من عدد من اولياء امور خريجات الدبلوم التوجه لوزارة التربيه والتعليم والاستفسار عن وضعنا وعن اخر تطورات قضيه خريجات دبلوم كليه التربيه المتوسطه؟ لاحظت خلال مراجعات اولياء الامور السابقه انهم ماقابلوا اى مسئول ، كل مقابلاتهم كانت لموظفين ،، لذلك ماطلعنا بنتيجه كما كنا نتوقع ، لذلك اتمنى من اولياء الامور عدم لاكتفاء بمقابله موظفي العلاقات العامه لان كل اللي عندة جهاز مبرمج يطقه ويقولك وش مكتوب ، وبالاغلب المعلومة تكون قديمه ، فرجاء خاص اللي يروح ولي امرها يا يجيب العلم من الروس الكبار يابلاش من التعب ، الكلام الاكيد يكون من الوزير او خالد سبتي او سعد الفهيد او اى مسئول تجدونه في مكتبه ، لكن موظف اسقبال او علاقات عامه او حتى فزاع مانبي
:

وين الصريح؟
وين ابو تميم؟
وين ابو احمد؟
وين ابو عبدالهادي؟وغيرهم كثير متصفحين!!
معنا هنا رجال لهم تواجد بالمشاركات ، لكن نبي فزعه وحضور ، لاحد يتحجج بالبعد انت رجال ممكن ترسل اى شخص من طرفك
ابو تميم اتمنى يكون لك تواجد على ارض الواقع مثل متابعه معامله اهالي شقراء
ياخي شقراء مو بعيدة ، وكلها شيبان ، وكلهم فزعه ونخوة لو تطلب من كذا واحد يطلع معاك وتقابلون اى مسئول
ممكن يفيدنا ، لان الاتصالات ماصارت تأثر مثل اول حتى الرد صار بارد ويجيب الهم ، بالله تحركوا ،، الان وقتكم
وفي السابق ماطلبنا منكم شي ، الان نبي موقف رجال ،، فمن لها؟؟
:
حتى الخريجات لازم يكون لكم موقف ماصارت ـ اللي ولي امرها رافض انها تراجع وينه؟ ليه مايطلع الان ، هذا وقته
اللي مو موجودة بالرياض لاتتحجج لابد يكون لها قريب او لزوجها صديق بالرياض ـ واللي ماتقدر ترسل معقب او يشتركون 3 او 4 خريجات ويرسلون معقب من طرفهم يتابع معاملتنا ،والمعامله معروفه من يوم تقولون معامله خريجات دبلوم كليه التربيه المتوسطه باسم بدريه عبدالهادي راح يعرفونها لاتقولين كم الرقم والتاريخ لانها صارت معامله معروفه حتى احيانا نقول معامله خريجات الدبلوم والموظف يرد اللي باسم بدريه؟؟ ،،، صدقوني ان ماتابعنا اول باول لتضيع مطالبتنا
مع الكم الهائل من المطالبات ، لاحد يقول انتى قلتي خلصت ليش تطالبينا نراجع ، ايه خلصت لكن متى يطلع القرار؟
متى يتنفذ؟ متى تكون المقابلات والمطابقه ؟ متى وكيف يتم التوزيع ؟ ومتى متى؟ لاتنسون ان السنه قربت تنتهي ، وماني يتعطل القرار اكثر
لاجل ان نضمن ان العام القادم نكون على مكاتبنا باذن الواحد الاحد ،
كما اتمنى من الطيور التى هاجرت العودة والعمل الجاد ، فالقضيه تخص الجميع وهروبك عن العمل لاجل قضيتك يعتبر
تخاذل منك ، لانريد الاستجداء اكثر والبحث عنكم اكثر ، فما كتب يكفي وان لم تعودوا لنصر قضيتكم فستكونوا
ذلتم انفسكم قبل كل شي ، ونحن سنكمل كما بدئنا ، لن ننظر للخلف ابداً ، فقط سنتذكر كل واحدة بالاسم وسنتذكر خذلانها لنا ،، وافر الود للمناضلات المتواجدات حتى في احلك الظروف ، فجميع الحجج تذوب من اجل المصلحه العامه

احنا في مرحله صعبه وحرجه ولابد من تظافر الجهود من الكل وعدم الاتكال على الغير

وفق الله الجميع وشكرا لك يابدريه

تحياتي

بحكم بعدي عن الرياض وعدم تواجد اقارب لي ,, كلمت اخويه لأنه له صاحب هناك بالرياض..

كلمه اخويه انه يسأل في الوزاره ,, يقول صار يدق على صاحبه مايرد على اتصاله ,,

ومرات يعطيه مشغول.

زي اللي يقول افهمها ولاتزعجني..

تحطمت مررره ,,

..

الله يقدرني واقدر اتوصل لحل اخر

..

انا موجود ولكن يعلم الله لو المسافة قريبة لوصلت الوزارة يومين ولكن انا في المنطقة الجنوبية ابعد اكثر من الف كيلو والا ماكان يردني الا مكتب اكبر مسؤول في الوزارة سوا الوزير او نائبة او نائبته او الحميد او اي واحد استطيع ان استقي منه المعلومة الدقيقة

فالعذر من الله ثم منكم جميعاً

ولكن الاخوان القريبين فيهم الخير والمسئلة استفسار والوقوف على الوضع بالعين لا بالكلام فالهاتف لا ينجز عمل فيه اتخاذ قرار انما لتحريك المعاملات التي تسير بالروتين المتبع

تمنياتي للجميع بالتوفيق