كيفكم يامعهديات؟
وشلون حرق الاعصاب معاكم …… اكيد تمام
تصدقون كلكم فرحانات بالتعيين وتتمنوا انكن من الدفعة الاولى الا أنا ايه ليش مستغربين 
الحين اقولكم السبب
ياصاحباتي هل فكرتوا وش طبيعة عملنا في المدارس؟؟
بتقولون خلي يجي التعيين اول
هو جاي غصب عن اللي مو راضي فينا واحنا مو معبن عيونهم
لكن انا عملت في مدارس حكومية لفترة 6 سنوات ومارست عمل الادارة كمساعدة متبرعة والله انه صعب
لكن احنا راح نمسك اعمال اخرى الا وهي المراقبة للطالبات وهي مو سهلة بالذات لمدارس الثانوي ولايهونون المتوسط وانتو عارفين وش يصير في المدارس هذه الايام
غير مراقبة على المعلمات وشفي عاد ردة الفعل
واشياء كثيرة ما احصيها بس والله انها مسؤولية بعدين تقولوا خريجة قالت
اللي افكر فيه واتمناه ان لما يجي التعيين يعطونا تعميم بطبيعة عملنا ومسؤوليتنا داخل المدرسة حتى لا يصير هناك استغلال لنا من بعض المدارس ويكرفونا باللي علينا واللي عليهم مو لان احنا لسا مو عارفين وش لنا وش علينا …… صح كلامي
اتمنى من كل واحدة لما يجي تعيينها تسأل في الادارة عن طبيعة عملها
لان يمكن يمسكونك مقصف وترى هذا مالنا شغل فيه
والاارشاد والا نشاط انا بلغت اللهم فاشهد
اتمنى يجي تعيين الفعه الثانية عشان اعرف وش لي وش علي من اللي قبلي…. (ادور مصلحتي مما جاني لما كنت معلمة تعاقد)
ها وش رايكم بكلامي مو صح
ياليت من عندها علم عن طبيعة عملنا تجي تقولنا هنا وتخلينا نعرف كوعنا من بوعنا
خلاص خلصت اعرف ثرثرت كثير بس من خوفي من اللي ينتظرونا على احر من الجمر ليرموا احمالهم علينا عارفين اننا بنموت على الوظيفة بس هذا اول لما كان تعاقد الحين رسمي محد يقدر يقول لنا ثلث الثلاثة كم؟
ردوا علي لا تطنشوني
أولا إنتي كنت تعاقد ومعروووف إنكم للكرف وتسكتوا غصب عشان مايلغوا التعاقد… لكن الان الوضع مختلف نحن رسميااات مو على كيفهم يمسكونا كل شيء… وفي كل مدرسة مراقبة ومساعدة ومرشدة … إحنا راح نخفف عليهم بعض الأعمال … والا وحده تقدر تضحك علينا وراح نكون أقوى منهم … وهو على حسب شخصيتك إذا كنتي ضعيفة راح يلعبوا فيك … أما إذا كنتي قوية وصارمة من البداية راح يحسبوا لك ألف حساب … والله ولى التوفيق
الله يوفق الدفعه الاولى ويسهل امورهم ويفرجها عليهم بأسرع وقت وعقبال جميع الدفعات
انا عندي سببين يستدعون اكون من الدفعة الثانية
الأول موعد ولادتي الاولى بتكون وقت تعيين الدفعة الأولى يعني الوضع صعب جداً وين اترك الطفل ؟ وتجربة الطفل الأول تاخذ الوقت والجهد
السبب الثاني / مو عارفة طبيعة العمل كنت مرشدة طلابية في مدرسة اهلية للمرحلة الابتدائية والمتوسطة والثانوي صعب بشكل ما تتصورونه يعطونك مهام خارج عملك استغلال يعني على الرغم انني ما كنت ضعيفة شخصية ولكن الكل يعرف المدارس الأهلية
بخصوص عمل المراقبة جميل اذا كان على الأبتدائي وممتع الصعب على المتوسط والثانوي والكل يعرف بنات اليوم مع الأسف التعامل معهم يحتاج صبر وقوة شخصية ومسااايرة
يعني الخيرة فيما يختارة الله ويارب يوفق الجميع
ولا يستاهل احد يفكر فيه
اولا الوضع راح يختلف تماما عن الحين
الحين وخاااصة عندما تم تعيين خريجات المعاهد إداريات.
بيصير كل مدرسة فيها ع الاقل 5—6 او اكثر اداريات هذا طبعا بالمدارس العاادية
اما المجمعااااات فا لعدد يختلف تماماً راح يكون العدد من 8 وفوق يعني راح يقسم الشغل
بين الإداريات فقط وراح نسوي قروب مثلنا مثل المعلمات. ونساعد بعض اما بالتوجيه او بالمساعدة بيننا وبين بعض لان شغلنا يتطلب ذلك.
فهمتي يعني راح نتخاااانق ع الشغل وندورة خخخخخ لان حتى لو زاااااااد الشغل عشان كثرت الإداريات راح يكون مرتب وسهل
وبكذا راح نحس بمتعة لان الشغل راح يكون خفيف. وبالنسبة لشغل الإدارة مااايبي له الكل عااارفة
والبنات والخبرة راح نكون فاااااااااااااااااهمين بس خلي الوظيفة تجي الحين.
وشوووووووووووووكراً
صادقة مستحيل بيكون 5 او 6 المدارس محتاجة كثييييييييييييييييييير إداريات ولو حطونا حنا وخريجات المتوسطة بإذن الله ماراح نغطي
يعني مجبورين كذا يوزعونا بين المدارس وكل مدرسة بيحطون وحدة بس وزين يقدرون يغطون
لأني سمعت من احدى مديرات المدارس ان مكتب الاشراف بلغهم اننا نشيل حصص اذا كان في عجز ولا ازيدكم من الشعر بيت اعمال النشاط والارشاد والمقصف مأجلينها لين نتعين .. بس على مين ………… انا تعاقدت خمس سنين شفت فيها انواع الكرف حتى اداره مسكت …………. وان جينا للحق كانت الاداره اهون بكثيييييييييييييييييييييييييييير من التدريس بس يبغالك شوي من قوة الشخصيه . ادري كلامي كثييييييييييييييييييييير بس بجد لاااااااااااااااااازم نعرف ايش لنا …. وايش عليناااااااااااااااااااااااااااااااا.