انا مدرس اجتماعيات هذي السنه الثانية لي في التعليم
نقلت نقل داخلي لإحدى المدارس وهي ابتدائي تحفيظ . المهم بعد العيد باشرنا مدرستنا الجديدة وقلي مدير المدرسه بعطيك ثاني ابتدائي قلت انا تخصصي
اجتماعيات وخريج جامعه
المهم قال لا تشيل هم . داومنا السبت وزع الجداول ع المدرسين بقيت انا اخر واحد وعطاني جدول 2 ابتدائي . وطلع من صالة الاجتماع بسرعه رحت للمكتب وقلت ما ابغى امسك صفوف ا
اوليه قال بعطيك (((مميزات)))) واللي تبغاه انا حاضر ووووووو…الخ قلت يا استاذي انا ماني تربوي ومعطيني قران ولغتي المطور وبصراحه ما ودي فيها لانها مسؤوليه طبعا الحوار كان كله ودي.
المهم اني رفضت ومارضيت ادخل الفصل اليوم الثالث جاني مدير المجمع واجتمع فيني والله ان هالمدير تستحي تتطالع فيه ادب واحترام وتعامل . قلتله عطني مهله افكر .
سؤالي هل يحق للادارة فرض الجدول علي علما انه فيه عجز في الصفوف الاوليه ومدرس الاجتماعيات السابق ماسك الاجتماعيات ؟ وانا مغير امتر في هالاسياب
الله يجزاك خير
قولهم ابشرو واكيد بهـ الاسبوع بيجيك احد المشرفين وقولة انك تخلي مسئوليتك من ماينتج من سلبيات…
والاسبوع الثاني فية مصطلح لدى الوزارة اسمة "مسح ميداني "
والاسبوع الثالث بتشوف معلم للمادة وانت بينقلونك حسب الاحتاج…
وبإذن الله لاقرب مدرسة لمنزلك
الأولى أنت خريج جامعة يعني ممكن يحطونك في ثانوي ومتوسط هل ماعندك مشكلة في هذا الشيء
نصيحتي لك الإبتدائي طيب وخلك هناك من مميزاتها تخرج بدري ومافي تصحيح والطلاب تقدر تسيطر عليهم أما الثانوي والمتوسط عز الله تاكلها خابور
الثانية بما أن مديرك ممتاز وانت في نفس الشيء ماتبغى تكسب ذنب الأولاد قول له اعطني على الاقل صفوف عليا في شي أقدر عليه يعني وطنية فنية خط رياضة
وإذا رفضت البديل كما اسلفت متوسط أو ثانوي وأنت وراحتك
أحتسب الاجر أحتسب أحتسب الأجر …
وهناك تعميم أنه يحق للمعلمين الجامعيين في تخصص الدين والعربي والاجتماعيات .. تدريس الصفوف الأولية.. على ما أطن في تعليم القصيم .. ولا ادري التعميم وزاري ام من صلاحيات مدير تعليم القصيم .. كما ذكر لي أحد الزملاء..
تدريس الابتدائي من ناحية الراحة اريح لك .. أجازة بدري .. لا مراقبة لا تصحيح أختبارات.. ..
وانا اقوللك توكل على الله ,,,
لاتنسى الحوافز وربي لو انا مااضيع الفرصه
خذلك تحاضير جاهزه واوراق عمل من المكتبه وجهز روحك
والمنهج بسيط اذا كان عندك دليل المعلم
توكل على الله ولاتشاور
بدل ماتروح ثانوية وماتعطل الا اخر الناس
خذ ثاني وتوكل على الله
حصلت لي نفس القصة تماما مع اختلاف التخصص
ست سنوات صفوف اولية وانا مرتاح
لأن المواد غير التخصص الذي يدرس