أنا أعمل في مدرسة ثانوية …. ونقلت الى مدرسة جديدة ,,, اعداد الطالبات فيها 800 طالبة !
المهم .. أموري تمام .. ولكن في أول يوم لي دخلت حصة احتياط على فصل ثاني أدبي … فكان في الفصل طالبة غريبة تقوم بعمل حركات مثل المهرج ..
وزميلاتها يضحكون ,,, المهم ,,, المهم انا عطيتها نظرات قوية الى ان سكتت …
وفي اليوم الثاني ايضا دخلوني حصة احتياط عند نفس الفصل .. واستقبلتني تلك الطالبة عند الباب … المهم … سكت البنات وخليتهم ينشغلون بحل واجب او اي حاجة ويستفيدون من وقت الفراغ وطلعت وسكرت الباب ووقفت برا ….
واسمع اصوات تلك الطالبة تهرج مرة ثانية وتضحك زميلاتها …. وبصراحة نرفزتني … فدخلت الفصل وعصبت عليها : وقلت لها : وش فيك انتي ؟ فيك جني ؟
وليتني ماقلت هالكلمة … !!!!
بعدها بأسبوع تقريباً … كنت أمشي من أمام ذلك الفصل … متجهة الى حصتي … وانا اسمع صوت وحده تقولي : المسكونة جت !! طنشتها ولا كأني سمعت شي
طبعا هي وحده من زميلات تلك الطالبة المهرجة …. ومرة ثانية كنت أمشي من جنب هالفصل .. وسمعتها تقولي هالكلمة !! وبرضو مطنشت
المهم ,,, صار لي حاليا شهر كامل في هالمدرسة < وانا اسمع هالكلمة يومياً … تقال لي وطنش ولاكأني سمعت ,,, الى درجت انها صارت ترفع صوتها في كل مرة وكأنها تريد أن ترى ردة فعلي …!!!
لا أدري كيف اتصرف معاها ؟؟؟
هل أستمر في تجاهلها …. فقدري أكبر من مواجهة هذه الامور التافهة
أم هل أمسكها وأوديها للادارة عشان تتأدب … وخصوصا اني ماأدرسها ,,
وغير كذا أبي حيلة منكم .. تساعدني وشلون أمسكها عليها … وخصوصا انني دايما اتجاهلها وكأني ماسمعت
تعمدي انك تمرين من جنب فصلهم … ومجرد ماتسمعينها تقولها … التفتي لها واقتربي منها وامسكيها من طرف قبة مريولها < وقولي لها من تقصدين بالمسكونة ؟
وخلك ماسكتها بقوة واسحبيها بقوة معك للمديرة واحكي الموضوع للمديرة وخلاص ….
…………………………….
لانك للاسف لم تحسنين التصرف ولم تختاري الكلمة المناسبة
………………………………………….. ………………………
ليه عصبتي كان اعطيتيها كف على جهها ما عاد سوت معك شيء
لكن اسمعي وطنشي وبتطفش
وإذا مافاد معاها لا أنتى أول ولا أخر مسكونة هههههههههههه
والله إذا ماأخذتي حقك بيدك ماراح تجيبه لكي لا المديرة ولا زوج عادلة
كثير تصير مثل هالحركات والدوا لهم الطناااش
لأننا لو عمل حساب لكل حركة وكلمة يسوونها الطلاب صار كل واحد فينا يبيله مستشفى بحال
لكن خذي المفيد من هذي البيتين للإمام الشافعي
لأني اعمل بها بحكم مافيه من خبرة
إذا نطق السفيه فلا تجبه فخير من اجابته السكوت
فإن كلمته فرجت عنه وإن خليته كمــــــــدا يموت
اختي ماعندك يد انت ؟؟
تعرفين تجرينها بشوشتها برى الفصل ولا ماتعرفين ؟؟ اذا سحبتيها مع شوشتها عطيها كفوف الين توصلين باب المديرة واطلعي وارجعي لها بعد 10 دقايق وقولي للمديرة السالفة
اما يشوفون كذا ساكته يتمادون عليك ويقولون هذي ضعيفة شخصية
وأنصحك بالاستمرار في تجاهل الأمر وعدم التفكير به البتة .. بل حين تسمعينهم حاولي الابتسام فهي محاولة للاستفزاز خصوصاً وأنت لا تدرسينهن