ضيعونا هالإدارة

السلام عليكم ورحمة الله وبركاته

ادارة تعليم الرياض حستوووووونااااااااا

ضيعونا هالإدارة لا الموقع فتح واذا فتح مافيه تثبيت

انا منقول ع الرغبه الثانيه وش يصير لو ماطلبت نقل ينقلوني ع الرغبه الاولى والا يخلوني في نفس المدرسه اللي نقلت لها في الحركة الاساسيه

والا ايش بالضبط اللي فاهم وش القصه يفيدنا

قرررررروووووشه صراحه وقرارات ارتجاليه مدري وش تبي

---

انا مثلك مانيب فاهمة

اي والله ضيعونا لابارك الله فيهم ضغط نفسي من بداية الاجازه الى نهايتها

وشكلي مع بداية الدوام اقدم استثنائي واروح افلها واتونس

التثبيت يكون بالانسحاب من الحركة الإلحاقية

تثبت معناها تنسحب من الحركة الإلحاق يه بس المشكله لو ماوضعوك على الرغبة الي تبيها يرجعون نفس مدرستك ولا تدخل بالمفاضله من جديد وندخل دواميه من جديد وحرثه أعصاب

وش ذا الحاله لافتح موقع ولا شي

حسبي الله على من كان السبب

حركتين في اسبوع واحد!!!!!!!

انا اشرح لك روق شوي المسأله جدا سهله الحين انت نقلت على الرغبة الثانية اوكيه طيب اذا دخلت في الحركة الالحاقية يشوفون هل بالامكان تحقيق الرغبة الاولى لك اذا كان فيه امكانية نقلوك عليها واذا مافيه امكانية تبقى ثابت على رغبتك الثانية وبس ….

يعطيك العافيه اخوي شقران اذا المسأله كذا ياسلام بس الخوفه يرجعون مفاضلتي ع الرغبات الاوله ثم انكب

الأولى ابتدائية اريح لي زهقت من الثانوي

اللهم يسر امري وامر اخواني واخواتي المعلمين والمعلمات ياااااااارب