سيدي الأمير سلطان ياللي وسع صدرك لنا دار وأوطان

كلٍ له اصحاب وربع وعدوان
ناسٍ تبي بعده وناس تمنّاه

الا انت كل الخلق في حبك انسان
قلبـــه معك صباحه وممـــــساه

ياللي وسع صدرك لنا دار وأوطان
وياللي السخا والجود فعلك تعدّاه

ما اقولها مدحٍ ترى اللطف له شان
والعطف مثل الجود تحمد سجاياه

انت البخيل بمنّتك وقت الاحسان
وانت الذي لطفه يباري عطاياه

ماكل من فارق غدى مثل سلطان
كلٍ يبـــــي شــــوفه وكلٍ ترجاه

لو المرض جيش نطحناه بسنان
ولو الكدر بحر شربناه لرضاه