رفض الاجازة افيدوني

مرحبا
والله انا بهم كبير واتمنى القى اجابة تريحني
في اخر يوم من نهاية دوامنا 21-7 قدمت اجازة استثنائية ثلاث شهور من تاريخ 7-10 لان كان عندي ظروف خاصة وانقطعت عن العمل من اول يوم على اساس انهم بيوافقوا ع الاجازة لكن المديرة ارسلت تقول للان ماوافقوا عليها طيب كيف وانا رافعتها قبل اشكالية التوقف اللي موجودة الحين حتى هي وافقت عليها مبدئيا لاتقولوا داومي انا تعبانة نفسيا بعد اجهاض مااقدر اداوم الحين وش بيصير وضعي ؟ وليش ماتقدر المديرة توافق بدون بديل

---

من حقك المطالبة لأنك قدمتيها قبل بداية العام وبدون بديلة لأن الادارة تعوض المدرسة بواحدة غيرك في حركة النقل الداخلي

لا عليك من مديرة المدرسة لانها لم ترفعها لك فهي المسؤولة عن خطأها

طالبي بها في الأدارة

مايصير تقدمي الاجازة وتغيبي لابد تجي الموافقة
انتي المسؤولة عن غيابك حتى لو المديرة مارفعت الاجازة كان المفروض تتابعي طلبك والموظفين في الادارة كانو شغالين طول الفترة الماضية
الان اما انك تقدمي عذر مقبول او بيحسب عليك غياب

شكرا على الرد بس ياخ ابو احمد اللي اعرفه اني مجرد مااقدم اجازة بتاريخ محدد ان اجازتي تبدأ من نفس التاريخ خاصة اذا كنت مقدمة طلبي قبل بداية السنة الجديدة بشهرين يعني باي حق مايوافقون على اجازتي في وقتها انا مالي دخل يوفرون بديله او لا هذا شغلهم والمديرة عارفة ظروفي بس ماوقفت معي الله يسامحها رغم انها كانت موافقة ع الاجازة سؤالي واضح ليش مايوافقون على طلبي والتعاميم واضحة يحق للموظف اجازة استثنائية لمدة سنة دراسية كل خمس سنوات ابي سبب لعدم الموافقة !!

أوقاتك سعيدة أختي .. ماحصل معك هو بالضبط ماحصل مع قريبتي في المنطقة الجنوبية فقد قدمت على الإجازة نهاية الفصل الدراسي الماضي
وقالو لا لا تقدمي إلا على بداية السنة ورجعت قدمت مرة ثانية ورفعوا بأوراقها تبغى أي إجازة رعاية مولود او إستثنائية
لكنهم للأسف رجعوا الأوراق وقالوا الإجازات متوقفة الآن إلى إشعار آخر هذا كان كلام مديرة شؤون المعلمات بإدارة التعليم
واللي اعرفه انه كذا واحدة يرفضون طلبها للإجازة.. يحتجون حسبنا الله بالإنشغال بتعيين البديلات والنقل .. وإنشاء الله إن الله يفرجها على الجميع

بس انا قدمت طلبي من زمان قبل المنع والمنع ماجاء لمدينتنا الا بنهاية رمضان باي حق مايوافقون المشكلة الحين غيابي وصل 15 يوم وش بيصير لي ياااربيه حرام عليهم انا ماخذت الاجازة الا وانا محتاجة لها حسبي الله ونعم الوكيل

عسى الله يعينك ويعينا ويعيين جميع المعلمين والمعلمات من تخبطات الوزارة وسلب حقوقنا الوظيفية إضافة لذلك الغاء الاجازات التي تخدم المعلمات من إجازة الامومه وغيرها لكن حاولي ان زوجك يدبر لك إجازة مرضية بناء على حالتك الصحية السابقة

أتوقع من هذه الوزارة إصدار مذكرة عقوبات على المعلم والمعلمة في حالة الوفاة !!

هذه الوزارة لا يستغرب منها شيء فهي لا تعترف بظروف الآخرين ولا تقدر مسؤوليات منسوبيها ( المعلمين والمعلمات فقط )

وهذا دليل جهل وقصور لدى كثير من المنظرين هناك