بعد قراتي لموضوع الاخ عبدالله الحمدان في رده علة موضوع الاخbablol بخصوص التمويل البنك للمنازل..
ردي سوف يكون بنقاط:
1- ركز الاخ الفاضل الحمدان على موضوع التوفير.. وشدد عليه اذا وفرنا كذا سوف يكون الناتج كذا؟؟!.. اقول للاخ عبدالله من متى الموظف يوفر من راتبه خاصا نحن اصحاب الرواتب الناقصة(من يوم 14 في الشهر والراتب باح) واعطني مثال واقعي لا تريد تمسك الاله الحاسبة وتروح تضرب اخماس في اسداس.. الواقع غير واللي اقوله غير عن الواقع.
2- يحذر الاخ الحمدان من البنوك.. وان البنوك (حرامية وتنهب فلوسنا) ومن هذا الكلام.. اقول له.. إلا كثر الله خير البنوك اللي سلفونا حتى ولو زودوا الفائدة .. في زمن لا اخوك ولا ابوك ولا قريب يعطيك ريال واحد.. بالله عليكم هل في هذا الزمن واحد يعطيك سلف بدون منه وبدون اذلال(يعني ياويلك لو عارضته في كلامه او زعلته) يا اخ حمدان والله البنوك اخف الظررين على الاقل ما يجون في اي وقت ويطالبونك بالفلوس مثل بعض الناس تستلف منهم وتتفق معاه ترد له بعد شهر ..ثاني يوم يجيك ويدق بابك ويطالبك بالفلوس ويقول انه محتاجها ضروري ويخلف الوعد بينك وبينه.. بعكس البنك يوم محدد وتاريخ محدد اخر يوم في السداد فرق كبير بينهما!
3- معظم كلام الاخ حمدان انه يحذرنا من السرقات البنكية واستغلالهم والى غير هذا الكلام.. والله ضحكت من قلبي.. بالله عليك هم بس البنوك اللي يسرقونا ويستغلونا ياخي شوف حواليك وتعرف انه ماهو البنك الوحيد بس اللي يسرقونا عيني عينك؟؟ يسرقونا في رواتبنا ؟؟!! وصاحب العمارة يستغلك ويزيد في الايجار بدون وجه حق؟؟ وصاحب البقالة يزود عليك المديونية اذا تاخرت في السداد وفواتير التليفون والكهرباء والمستشفيات وغيرها.. يعني جت على البنك ؟؟!
4-90% من كلام الاخ حمدان مثالي(افلاطوني) مثاليات في مثاليات وانه اذا قدرت توفر كذا سوف تربح كذا.. انت ماتشوف الاسعار في ارتفاع يومي اي توفير اللي تكلم عنه واحد من زملائي اتذكر انه المسكين قاعد يوفر من الراتب وهات ياشد في الحزام وفي التوفير قطع نفسه المسكين وبعد شهور راحت عليه .. كيف من صدمة في سيارته كلفته في اصلاح السيارة وقطع الغيار كل اللي جمعها في شهور.. يعني تيتي رحتي مثل ماجيتي.. انا لا اقول انك تبذر وتصرف بدون ميازاينة .. ابدا ولكن اقول لا تحرم نفسك واولادك ومن حواليك(والديك وارحامك) من فلوسك.. يا اخي مايموت الواحد الا وقد استوفى رزقه..(يعني مايموت ورزقه ناقص).. اتمنى نبتعد من هذه الافكار اللي جعلت الزوجة تنفر من الزوج(اللي يوفر ) ويحرمها من متع الحياة واتمنى من الاب لا يحرم اولاده من ابسط حقوقهم. اتمنى..
5- مين قال انه اللي استلف من البنك غرق في الديون وفي الحياة المنغصة وانه مضحوك عليه؟؟
يا اخي اعرف والله اناس استلفوا من البنك لشراء المنزل وقد استفادوا من السكنه فيه وانهم يسدودون براحتهم ويدروسون ميزانيتهم وكم عانوا والله ان مدوا ايديهم للي يسوى واللي مايسوى..بس ما احد فيهم خير..الان هم في البيت..ولا ينظروا كم يكلف البناء بعد 10 سنوات او 20 سنة والحسبة اللي حسبها الاخ الحمدان؟؟!.. يا اخي الواحد يشتري البيت له ولاولاده ماهو من اجل الاستثمار او البيع؟؟ غريبة كيف تفكرون في هذا الشيء.. الواحد يالله يحصل على بيت يقوم يبعه او يفكر في بيعه؟؟ هذا طفل ماهو كفوا يكون اب او صاحب اسرة؟؟
اخيرا اتمنى الا اكون قد قسوت على الاخ عبدالله حمدان..
وقول والله العظيم لا انا اعرف احد موظف بنك ولا هدفي من هذا الكلام دعاية لاخذ القروض انما اردت الحقيقة وتوضيح ما ارت قوله
والله من وراء القصد
واقنعتني ببعض النقاط واهمها البنوك
صراحه انك صادق
البنك يعطي تمويل وتسدد على سنوات
وعلى كلامك بدون اشكالات
تحيتي لك
|
معلم منقوص حقه
انا اقول ياليت لو يعطونا قرض مثل اول 80 راتب انشان انحلت كل مشاكلنا وشرينا بيت مستعمل وفكين من الايجارات ومن الترحال من شقة الى شقة نبي قرض 80 راتب ياليت لو البنوك يرجعون مثل اول
|
وهل ستبقى الأسعار كما هي إذا رفعت البنوك قيمة الإقراض لا أظن ذلك وهذا سبب تخفيض قيمة الإقراض
نصيحته ولكن لازاماً أن تحترم وجهة نظره .
وانا ماقسيت على احد
البنوك لا تسرق إنما هي تجارة مع العميل فيمكن أن ينطبق عليها استغلال.
– التوفير صعب لكنه ليس مستحيلاً.
– غرق الناس بالكماليات وهذا من أهم أسباب عدم كفاية الرواتب لأن الكماليات اجتمعت مع الأساسيات فأكلت الرواتب، جرب واحسب بنفسك الأساسيات (إيجار – كهرباء – أكل – فواتير جوال وثابت – سيارة ومصاريفها)هذه لو اخذت من الراتب 5000 ألا يبقى لك شيء؟
– البنوك حل وهو وحش لطيف فقد جربت وحشيته وتنعمت بلطفه!
– نصيحتي حاول التوفير لمدة سنة حاول بجد ، فإن لم تستطع فاذهب لأقرب بمك إسلامي واقترض أما إن نجح معك التوفير في سنة التجربة فاستمر وعلى بركة الله.
والله أعلم
وكلامك أخي ابو عبدالله مقنع جداً .