عندي العديد من الفصول اللي ادرسها
ومن ضمنها فصل ثالث متوسط
فيه احد الفصول جننوني
لاسلوك
ولاواجبات
اول مااطلع من الفصل وانتهت الحصه اسمع تصريخ !!
هذا احد الفصول والفصل الاخر اهدأ منهم مع ان فيهم مشاكل بس اهدأ من الفصل الثاني
اما باقي الفصول وضعهم كويس والامن مستتب
وانا قررت مع الفصلين اللي ماهم كويسيين اني ادمرهم بالمشاركه بس طبعا كل واحد وحقه بدون ظلم
لانه مره اعطيتهم واجب ماجاب الواجب من 30 طالب الا تقريبا11
صراحه هذا استخفاف بالمعلم واالمدرسه
المهم ….
المدرسه هذي طلابها مميزن وشطار ومايعرفون شي اسمه دور ثاني
لكن انا ناويهم بالمشاركه والواجبات
وحتى الاختبار راح احط اختبار يتحلمون فيه !!!!
-اتوقع لو احط درجات سيئه بيجون اولياء امورهم طوابير وهذا اللي ابيه
راح اطقه بوجه ابوه واقول ( ولدك قليل ادب ومو متربي وماراح اغير الدرجه واذا عندك شي لاتكلمني كلم ادارة التعليم )
وش رايكم يازملاء المهنه وزملاء القلق ؟
عطوني شوركم بالحل
رغم اني يااخوان لي اكثر من اسبوعين ماسك اسماء الطلاب بيدي واشرح مستحيل تنول من ايدي واي كلمه او صوت علطول ملاحظه
وحطيت اختبار قصير بس موووت صعب
واشوف لما بديت امسك الاسماء + تهديد ووعيد + رفع الصوت (لاني من النوع اللي مااحب اشوف الفصل فوشى انقهررررر )
وصرت طول الحصه واقف ومعي الاوراق حتى لو اشرح درس صعب كل شوي ملاحظه
وبعدها حسيت فيه خوف من الطلاب وتجاوب بس لازال يااخوان فيه بعض النماذج اللي كرهتني بالتعليم اااااه ياقلبي
هاه
الحين وش رايكم عطوني حلوووول مناسبه ومعقوله
وانا ناوي عليهم وعلى اولياء امورهم
وتنصحوني اكلم بالمدرسه او لا لاني ناقل لها السنه هذي
تحيتي لكم
والله لايوريكم طلاب مشاغبين
ممكن الكلمة الطيبة وممكن المرشد الطلابي وممكن المدير و ممكن تعهد و الإنذارات…..
ادمرهم الحوثيين هم عشان تدمرهم
الله يهديك اعتبرهم اخوانك او اولادك
|
al_baasel
ما يلامون فيك دام هذا اسلوبك
ادمرهم الحوثيين هم عشان تدمرهم الله يهديك اعتبرهم اخوانك او اولادك |
الله يصلحك هو عنده مشكله وأنت همك الأسلوب وطبعاً من ينادي بالتربية والأساليب الحديثة ما راح للميدان يشوف هذه الاساليب تصلح لبعض العينة من الطلاب .
قبل ما تنقصلهم درجات هناك عدة حواجز لابد أن تتخطاها حتى تسلم وهي :
– تدوين ملاحظات في دفتر الواجبات بقصور الطلاب في بعض المهارات .
– تثبت أنك فعلت طرق علاجية للطلاب المقصر .
– أوراق عمل للطلاب المقصرين يعني سوي ملف قبل ما تنقصله في الدرجات يعني راحت الهيبة حتى فالدرجات كان الله في عوننا.
طول بالك وخل صدرك وسيع..
قابل الاساءه بالابتسامه…
لاتضغط عليهم بالدرجات وتهددهم…(اكبر غلط واسلوب لا ينم عن معلم ناجح متمرس في مادته)
لا تطيل بالشرح
وبحكم ان الماده انجليزي…هذا بصالحك…
اتمنى انك تسوي هالطريقه تكفى وعطني نتايجها هنا بالمنتدى اول ماتسويها وكذلك ليستفيد الجميع…
اول ما تدخل الفصل الى ان تنتهي الحصه انسى انك تتكلم عربي!!
وخل لغة الاشاره مع كلامك!!!
والله لينبلهووون فيك ويفغرون ولا احد يتكلم لين تنتهي بالعكس راح تلاقيهم مستانسين…
الطالب او الطلاب اللي يضحكون تكلم معهم ولكن لاتتكلم بالعربي خلك مواصل !!
انصحهم ووجهم وخل لغة الاشاره حاضره والابتسامه ولكن في بعض الجمل خلك متجهم الوجه!!!
وواصل الحصه بالطريقه هذه…..
وارجع واقول الطلاب ستجدهم يضحكون لاتزعل وتظن ان هذا يقلل من اهميتك لا ياعزيزي انت عارف نفسك زين
خلهم يضحكون مع مرور الحصه ستجدهم مندمجين بالدرس..
استخدم عبارات المدح والثناء ولكن لاتنسى دائما انجليزي بانجليزي للطلاب المشاركين….
اسئلهم اسئله وشف ردة فعلهم….
وانت طالع من الفصل وانتهت الحصه….قلهم الحصه القادمه نواصل وعطهم واجب ولكن خلك (امريكي)هههههه
لا تسمعهم عربي!!!
عطني نتايج الخطه هذه اذا جربتها……
وحببت الطلاب بالمادة واللي يكرهها حببته بنفسي
صاروا ينتظرون جيتي بسبب اسلوبي معاهم
اضحك معاهم
نكت
اعطي كم واحد محش
خلي الفصل ينبسط منك
واهم شي لاتجيب طاري التربية ع لسانك
لو قلت منت متربي له او لولي امرة ماحد راح يسكت
خليهم مايعرفونك
مرة قافلة اخلاقك ومرة مبسوووط ع الآخر
وامسك كم طالب من اللي مرة مشاغبين عندك وكلمهم كلام رجال
تلقاه يستحي ع وجهه
واذا مانفع معاه حوله للمرشد او الوكيل
والله يعينك