خواتي الي متخرجه من المعهد وكملت بكالريوس

خواتي الغاليات ان معي معهد وبكالريوس ومقدمه على وظائف المعهد سالت احد المشرفين على منتدى الرسلان وهو منتدى المرشحات عن وظعي فقلت له هل اذا توظفت على المعهد يحق لي المطالبه بتحسين المستوى فقال لا لانك اذا توظفتي بيوقعونك على عدم الطالبه بتحسين المستوى وانا قبل فتره دقيت على ديوان الحفر فقال لي اذا توظفتي على المهد قدمي على البكالريوس واذا حصلتي على وظيفة البكالريوس قدمي استقاله من المعهد بنات تكفون دقوا على الوزاره واسالوهم لان جوالي مفصول تكفون ردوا وريحونا

---

والله زيك 000 لكن بنحاول نرفع شهادتنا 00 في حالة لا 000 مثل ما قالو لك انتي خلك اداريه وقدمي على شهادة البكالوريوس كل ما جات وظائف 00 لان فيهااااا المرتبه السابعه 000 اختكم المــــــــاس

لا ماعنده سالفه
خلونا نتعين اول شئ وبعدين نظاما وقانون يحسنون وضعنا بالغصب لان معنا شهادة وهم معينيا على مرتبه اقل
وهذا الشئ يتعارض مع قوانين الخدمه المدنيه

مشكورات خواتي بس لو حده منكن تدق وتريحنا احسن من التفكير والورقه الي يقول ماني موقعه عليها

اي والله من جد نبغى احد يساااال وانا مثلكم كماااان ……..
حراااام مررره ندرس بقريه وناخذ شهادة المعهد ومررره بمدينه وناخذ البكالريوس وتقديرنا حلو فيهن كلهن واخرتها المرتبه الراااابعه ليه مو ظلم ؟؟؟؟؟؟
كفايه الانتظاااار كل ذي السنين ……

الله يوفقك ياسعوديه حيل دقي على الوزاره يمكن عندهم خبر عنا تكفين طلبتك دقي بكره وبلغينا

وشو وشو وشو ؟؟؟؟؟ <<<< هذا للي نصحوك مو لك ..

انسي كلامهم اختي المزيونة

تراهم خراطين ماعندهم سالفة ووسعي صدرك ..!!

وهذا اللي يقول لك توقعين على عدم مطالبة بتحسين مستوى يتكلم من مصدر موثوق ولا يتوقع .. ووش اللي توقعين يبون يقيدونا عشان مانطالب بحق من حقوقنا ..!!!!

واللي يقول لك اذا اخذتي بكالريوس قدمي فصل من وظيفة المعهد بيضمن وظيفة البكالريوس ؟؟؟

اذا احنا لنا كم سنة نشيل شهادة الجامعة وفوقها مية شهادة دورات ومالقينا ذرة امل غير بالله

لا حبيبتي الرزق اللي الله وحده ساقه لنا بيد كريم " ملكنا حبيب قلوبنا " ماراح نفرط فيه وشهاداتنا دعم لنا وبترفع مستوانا غصب عنهم اسوة بجميع موظفين الدولة وكل القطاعات الخاصة والعامة ..

ولا عليك اختي دبه لاتوجعين راسك وتهتمين مااظن ان فيه قانون في الدنيا مايخلينا نرفع شهادات اعلى عشان تحسين مستوانا .. حتى حراس الأمن الخاص والجنود وموظفين الارشيف وأي موظف في الدنيا شهادته تفاضله عن غيره وترفع مستواه لو درجة عن زملاه

ياحبيبتي ريحي بالك ونصيحة لاتدقون يكفي تلاعب باعصابنا

تخيلي بس يرد عليك واحد جاهل مايعرف الا كم كلمة وكم حرف ويقعد يتفلسف عليك زي ماهم عاملين مع البنات هنا في المنتدى وكل شوي خبر يجيب الكآبة والاحباط وهو مجرد توقع من موظف مسوي نفسه فاهم ..

انا اقول اللي بتسأل تروح بنفسها للإدارة ولا الخدمة المدنية ولا وزارة العمل والعمال اهم شي مصدر موثوق وشخص ثقة وعنده علم وحطي تحت عنده علم مية الف خط

فاولوا خير ياجماعه

سعودية حيل

والله ماانسى التعب والشقى اللي صار لي ايام الجامعه وتهون دراسة المعهد يكفي في الجامعه زواج ووحام وحمل وتداومين وانتي نفاس مالك الا اسبوعين وحمل ثاني مفاجيء ونفس الحكاية واهلك مو عندك في نفس المنطقة ، غير البحوث والتكاليف اللي تشيب لو ايش ماراح نسكت عن حقنا بإذن الله ، وربي عاااااادل مايضيع جهد وتعب انسان

الله يوفقنا جميعاً ويكتب لنا مافيه خير

هلا خواااتي وانا مثلكم

نبي نعرف شي ضروري مو جالسين على عمانا

بعدين اختي الماس ان

مين قال المرتبه السابعه

انا سمعت انها السادسه الله يسمع منك قولي آآآمين
وبعدين هل نقدر نطالب بهاالمرتبه بعد التعيين مباشره

اخوااااتي ضروري بالذات احنا ماننقطع عن المنتدى علشان
نتشاور

شكرا لك دبه على الموضوع المنتاز