السلام عليكم ورحمة الله وبركاته ’’’’’’’’
بسم الله الرحمن الرحيم
يعود خادم الحرمين الشريفين الملك عبدالله بن عبدالعزيز ال سعود ..
يوم السبت 18 / 2 / هـ
وهذه أبيات بسيطة لعيون خادم الحرمين الله يحفظه ويخليه ويساعدنا في استعادة حقوقنا كاملة(1) كاملة (2) كاملة (3) غير منقوصة
وكلكم تعرفون معنى كاملة والله يعيننا وأياكم
قالوا مريض وقلت فيني ولا فيه
ياعزة الله كيف ذاك المرض جاه
كيف الألم يدمي فواده ويدميـه
ليت الألم ياناس شخص اترجـاه
برجيه رجوة بخير حاله يخليـه
وان كان وده علتي قلت محـلاه
لاجله بشيل العوق عنّه واراعيه
واصير من بد الخلايق أنـا دواه
لانه عضيد الروح والقلب يغليه
ما ودي انه لحظـةِ يشكـي الآه
لو كان بيدي في عيوني أداريـه
واتشيله اجفوني وتغمض وتنساه
ياذا المرض عجل دخيلك تعديـه
خل التعب لا يهد حيله ويصـلاه
ماجور يامن بالنواظر نساويـه
يالله عسى من الشر يسلم محياه
وأتمنى من المشرفين الكرام تعديل كلمة ((خالد الحرمين )) الى خادم الحرمين
أبياتك كلها اعتراض على قضاء الله تعالى وقدره وفيها تسخّط ، فليتك اكتفيت بالدعاء له.
الله يرده لنا ويلبسه لباس الصحة والعافية
|
حكم
أبياتك كلها اعتراض على قضاء الله تعالى وقدره وفيها تسخّط ، فليتك اكتفيت بالدعاء له.
الله يرده لنا ويلبسه لباس الصحة والعافية |
شاكر ومقدر التنبيه
لكن وانا اخوك انما الاعمال بالنيات الله يسعدك
بس تراك في عام
ممكن تنفع هذه الحركة مع زمن هارون الرشيد ايام كان الشعر له مكانة
اليوم الواسطة تنفع لحل مشكلتنا وانا اخوك
ونشاء الله يرجع إلينا بالسلامة معافى