اسعد الله اوقاتكم
انا طالبه بجامعه الملك سعود .مسار سمعي . مستوى 6
افكر بتحويل الى مسار الاعاقيه العقليه . لكني محتاره جدا
سبب تحويلي . هو اني شفت وقريت ان مسار السمعي فرص التوظيف او كمال دراسه صعبه . عارفه ان الازراق بيد الله . لكن من خلال المعطيات
غير ان هالمسار مايفيد الا بتعيين الحكومي وتعيين شوفه ( الى اجل غير مسمى ) خصوص لنا احنا طالبات
وحتى لو فكرت اتوظيف بمراكز اهله من اجل الخبره للماستر الي يتطلب خبره سنتييين 
بجامعتنا
ماقدر اوفرها لان مراكز الاهليه ماتطلب هالتخصص
على عكس الفكري الي اقدر اوفر الخبره من المراكز الاهليه .طبعا الحكومي بكل المسارين التعين صعب لطالبات
سئلت استاذات بالقسم لكن مافادوني بشئ يسالون عن الميول وميولي لكل الفئتين معاقين سمعيا او عقليا عادي لي ميول لهم
احد الاستاذات قالت اعملي كمتطوعه بالقسم بالجامعه لاجل الخبره لكن حتى العمل التطوعي بالجامعه غير مضمون انهم ياخذوني
طبعا قلت الفكري لان ماقدر احول الا للفكري او صعوبات . وصعوبات لا يستهويني
التوحد مقلصه القبول فيه الجامعه عشان كذا مقدر احول ونفس الشئ السمعي مقلصه القبول
محتاره جدااا . وخصوص ان تحويلي بياخرني سسنه عن تخرجي !
فطامعه بئراكم ومشورتكم . بما ان اغلبكم معلمين او خريجين وشايفين الوضع بالميدان وعندكم خبره اكثر
بنتظاركم
اتكلم عن التوظيف والنقل صعب جدا
انصحك بالتوحد او اضطرابات نطق
فخليك على السمعي بدال ماتتأخرين سنه وتقريبا نفس وضع الفكري في التعيين مافيهم فرق
استخيري ربكـ وقبل كل شي اللي ربي كاتبه لكـ بيصير والأرزاق بيد الله
أتمنى لك التوفيق إن شاء الله
لكن الفكري قلت افضل من ناحيه الاهليات والخبره ..
اما اضطربات النطق . فهو مو موجود بجمعتنا
وتوحد . صعب تحويل له . وايضا فيه بنات متخرجين من سنتين وبتقديرات عاليه و ماتعينو
الوضع جدا محير
مافي اراء !
ولك خيارات متعدده اذا فتح مجال توظيف او اكمال الماستر ولقربه من بقية التخصصات من توحد ونطق بعكس السمعي
هذي وجهة نظري ولك القرار ..وإذا على مسألة التأخر سنه .. ارى ان الأمر عادي ومافيه مخاطره كبيره ..
ان العقلي اوسع مجال لان فيه معاهد ومراكز اكثر مقارنه بسمعي ..,
لكن احس الامر مازلت بحيره نوع ما
شاكره لك
ولازلت اتمنى اسمع اراء معلمي السمعي والفكري
من وجهة نظري ان استمرارك بتخصصك خصوصا انه بقي سنة واحد على التخرج ان شاء الله …. أفضل بكثير من التحويل
ومن ناحية الاحتياج الوزارة كل سنه لها احتياج فمثلا على مستوى المعلمين لم يبقى معلم سمعي في الانتظار بعكس التربية الفكرية عكس ماكان عليه سابقا
ومن ناحية اكمال الماستر والدكتوراه تستطيعي الاكمال حتى بتخصص اخر لان تخصصك بالاصل تربوي
موفقه يارب