الوزارة قاعدين يعدلون على بدل النأي الجديد

السلام عليكم ورحمة الله وبركاته

أظن في شهر 3 / هـ الماضي .. من عشرة أشهر تقريبا ً ( سنه إلا ) صدر قرار مضاعفة بدل النأي للموظفين وإلين اليوم ماصار فيه جديد..

السالفة ذي لها العديد من الإحتمالات والمضاعفات على الشعب ..

مثلا ً .. أنا بديت أحس إنه أمر الملك ما له أهميه عند الإخوان اللي المفروض يعدلون بدل النأي وينفذون الأوامر الملكية ..

يمكن أنا غلطان .. بس أسألكم بالله شي طبيعي إنه الملك يأمر بشيء ويمر سنه ما يتنفذ ؟؟؟؟؟؟

أو – وهو المرجح – إن الوقت الطويل اللي يمر …. يتم فيه تعديل نسب بدل النأي ( أكييييييييد بالنقص )

والإخوان اللي كان عندهم بدل نأي 5% بيصير 1% وبعدين يقولون تمت مضاعفته إلى 2%

ويطالبونا بالزيادة اللي أخذناها من وقت صدور القرار .. !!!!

عموما ً ..

أنا محبط لدرجة يستحيل معها حتى الإبتسام .. من اللي قاعده تسويه معنا الوزارة في عام المعلم

خدمتي عشر سنوات ولو أقدر كان تقاعدت من قوة الطفش اللي توزعه علينا الوزارة كل أسبوعين ..

أخبار تسد النفس : ( سحب درجة 21 هـ , إلغاء مكافأة نهاية الخدمة , ……… ) .. تصريحات كل واحد منها في وادي

تسحيبنا بحركة النقل , والتعاميم اللي توصلك كل يوم مالها سنع ..

وحتى طلعوا لي في الراديو … الوزارة شددت على : ( يجب أن يكون المعلم بشوشا ً لدى إستقباله للطلاب )

ولكن أسأل الله الذي لا إله إلا هو الحي القيوم أن يعيد لنا حقوقنا عاجلا ً غير آجل ..

بس اعتقد انه فيه لبس في موضوع بدل النائي …
لو احد فاهم هذا الموضوع يفهمنا!!!

ياأخوان ياليت احد يفسر لي هالكلام

كيف أمر ملكي ولا ينفذ كيف يعني ياليت تفهوني