الخبر اليقين في تعيين خريجات المعاهد.

أنا اليوم دقيت على الوزارة ويا الله مسك الخط بعد جهد جهيد لأن شقيقتي خريجة معهد وأبغى اشوف كيف تعينت وإلا أش وضعها ؟؟ رد عليه الموظف وقال إحنا وصلنا لحد اللي مجموع درجاتها ((1954)) من دفعة 1417 1418

وقال اختك قريبه من التعيين إن شاء الله سألته هل بتتعين وإلا لا؟؟ قال ما ادري

بعدها انا ما رتحت لكلامه ودقيت مره ثانيه وبعد ساعه ونص مسك الخط ورد موظف آخر وقلت عن وضع اختي وقال هذي خلاص تعينت والأسماء تنزل بعد أسبوع !!!

شوفوا بالله الكذب واحد يقول درجات وما درجات وواحد يقول تعينت !!!

بعدها مليت وارتفع عندي الضغط وتذكرت واحد من جماعتنا دكتور شغال في الوزارة ودقيت على جواله الشخصي ورد على طول وسألته عن وضع خريجات المعهد وقال أنا ما ادري لكن اصبر ربع ساعه واتصل عليه واجيب لك الخبر اليقين لأني باتصل على المسؤول عنهم وقلت طيب ..

بعد ربع ساعه اتصلت عليه ورد وقال الأسماء طلعت الخدمه المدنيه وهم الذين سيعلنونها او يعطون الوزارة عشان تعلنها وموعد الإعلان قريب جدا" وممكن في أي وقت لأن كل شيء جاهز وقالي ترى الموظفين اللي تتصلون عليهم ما يدرون وش السالفه وهم يقولون لكم تعينت فلانه وفلانه في الدفعه الثانيه اجتهاد منهم فقط لا غير وعندهم فقط برنامج تعطيه السجل المدني ويخدمك انه يعطيك انها موجودة والا لا وممكن بعضهم يسوي فيها انه مسؤول ويقول تعينت والا يقول هذي في الدفعه الثانيه !!!

يعني يا أخواتي العزيزات هؤلاء الموظفين اللي تتصلون عليهم كذابين وما عندهم ما عند جدتي والأسماء راح تنزل قريب وما في اي داعي تتصلون على الوزارة ,,
والسلام عليكم والله يسعدكم بالتعيين

---

مشكور ,, يارفايلو ,,,,,,الله يعطيك الف عافيه ,, ويقدم اللي فيه الخير

لاجديد كل يوم نسمع ولانرى شيء من هذا الكلام ولكن المضمون واحد والي تغير ربما العبارات

شكـــراً…الله يعطيك العافيه.

الله يجيب اللي فيه الخير

ربي يعطيك العاااااااااااااااافية

الله يعجل بالفرج ان شاء الله في القريب العاجل

اخوى ما عندك اخ او ولد عم يشتغل فى الديوان وتدق عليه وتعلمنا وش صار بالاسماء
صرنا مثل الغريق نتعلق بقشه
خريجة 1417هـ 1418هـ