أبغى توضيح يا معلمات دفعة 18 – 22 بخصوص الدرجة والفروقات

السلام عليكم ورحمة الله
عندي استفسار وأحتاج توضيح :
1/ هل صحيح المعينات في 18 نزلت لهم فروقات وصاروا على الدرجة 8 لأن قرار التعديل والفروقات ذكر المعلمات من دفعات 19 إلى 22 ؟

2/ كل المعلمات اللي نزلتلهم فروقات في بعض المناطق وتعدلت درجتهم من السادسة إلى الثامنة ما شفت وحدة ذكرت إن درجتها تعدلت للتاسعة مع أنه نزل قرار ينص على إضافة درجة للمعينات من 18 إلى 21 من تاريخ 1/5/هـ وبأثر رجعي .. وين راحت هالدرجة وإلا يبيلها كمان مطالبة أو بالأصح شحاذة ؟
3/ التباين الحاصل في صرف الفروقات بين المناطق فيه ظلم وإجحاف تخيلوا منطقة صرفت 10000 أو 15000 ومنطقة 34000 ياعالم لازم يصير فيه رفع للمسؤولين وشكوى على هذا التلاعب وأكل الأموال بالباطل ..

حسبي الله ونعم الوكيل .. حسبي الله وكفى به ناصراً وظهيرا

ماشاء الله تبارك الله .. على كذا مافيه إلا إدارة عسير وجازان إللي أدت الأمانة بوضع المعلمات على الدرجة التاسعة وعطتهم الفروقات كاملة وبقية الادارات حسبي الله عليهم .. ماكلين حقنا وإحنا ماكلين …… !
لكن أنا أعترف إن الشعب السعودي تعود يسكت عن هضم حقوقه وكل واحد ينتظر غيره يطالب بحقه ..
كل واحد يقول يعني أنا لورحت اشتكيت بيتغير شي ؟ كان غيري أشطر ..
العيب فينا إحنا .. وإحنا اللي سمحنا للحرامية بأنهم يسرقونا عيني عينك ..
ليش مانصير زي باقي الشعوب الواحد منهم مايتنازل عن حقه وياخذه كامل مكمل وفوق كذا إعتذار ورد إعتبار وكمان تعويضات وإحنا الله يخلف علينا ماغير يد على خد ونتحسب وبنظل كذا ونورث لعيالنا هالمذلة .