بسم الله الرحمن الرحيم
عزيزتي معلمة الابتدائي الصفوف العليا
يامن طول العام تكرفين من 20 الى 24 حصه
يامن طول العام تقييمين مهارات من 40 الى 60 مهاره
يامن طول العام تطامرين وراء طالبات اعمارهم من 10 الى 12 سنه
يامن طول العام لازم تراعين نفسيات الاطفال من 10 الى 12 سنه وامهاتهم ما راعوهم
يامن طول العام تلاحقين طالبات اعدادهم من 100 الى 270 طالبه
يامن طول العام تدرسين من 2 الى 6 مناهج
يامن طول العام تلاحقين الغايبات والمهملات لإكمال مهاراتهم
يامن طول العام تقييمين طالبه جايبه العيد بذمه
وحين ترسبينها تقوم القيامه وتدخل اللجنه وتنجح وتاخذ 1
يامن طول العام ملاحقينك بالنشاط والرياده
والمناوبه مع بزران اعمارهم من 7 الى 12 سنه لا يطلعون عند الباب لا يطيحون لا يركضون لا لا لا لا
يامن طول العام مر عليك تغير الجدول من 2 الئ 6 مرات
يامن طول العام تدرسين كل المناهج في حال زميلاتك ولدو او اخذو اجازة امومه او استثنائي
او نقلو او تقاعدوا فنصابك لم يكمل 24 حصه…
يامن بنهاية العام مطالبه
بفصول علاجيه لطالبه مافاد معها طول العام
بملاحظ في مدارس متوسطه وثانويه
لمدة اسبوعين كل فصل دراسي
كأنك ما كرفتي طول العام اكثر من معلماتهم مع عيال المسلمين لين انفقع راسك وطاحت رجليك من ذا البزران
والجائزه اجازه من 3 الى 5 ايام ما تاخذينها الا على كيفهم ماهو على كيفك..!!
وفي نهاية العام تبين تفرحين بالحوافز الي متشرطين فيها 100 شرط وتعطلين بعد جهد جهيد مع عيال المسلمين
تتفاجئين بأنها بح طارت …
والمشكله انك خلصتي شغلك وشغل غيرك من ملاحظه حتى يتفرغون للتصحيح
ليه طيب الغيتوها …!!؟؟؟
الرد
حتى يكون هناك مساواة بين معلمات الابتدائي والمتوسط والثانوي
ليه تقارنونا بمراحل ثانيه
طبيب ساووونا بمعلمات الصفوف الدنيا
ليه تقارنونا بمراحل
الطالبه هي الي تلاحق المعلمه حتى تختبر
واحنا نلاحق الطالبه حتى تتقن
الطالبه عارفه الصح من الخطأ
واحنا نعلم الطالبه الصح من الخطأ
الطالبه تموت ومايعاد لها الاختبار
واحنا نعيد التقييم لين نموت..!!
الطالبه تذاكر لنفسها
احنا نذاكر للطالبه
الطالبه تختبر اعمال سنه مرتين
ونهاية الفصل مرة وحده يعني 6 اختبارات في السنه…
واحنا نقييم الطالبه في مهارات قد تصل ل60 مهاره في العام
ثلثينها مهارة حد ادنى يجب ان تجتازها الطالبة حتى تنجح ونقييم اكثر من ماده.
واكثر من مرحله طول الوقت مطلوب منا ان نكون سوبر معلمه
تدرس و تربي وتراعي نفسيات طالبات و اهالي و اداره و وزاره..!
مستكثرين عليها اجازه تريح فيها حتى تستعد لعام جديد
المفروض بدون ما نطالب ونستعطف ونستجدي
الاجازه من حقنا
المفروض نحن في عام المعلم..!!
متى ستأتي حقوقنا بدون مطاردات ..!!
في النهايه اكتشفت ان معلمة الابتدائي الصفوف العليا
مقيولن بها هه هه هه
مقيولن بنا هه هه
مقيولن بنا هه هه
ودمتم معلمة ابتدائي صفوف عليا
**هذا أقوى برودكاست وصلني…
وحبيت طرحه كما هو…لأنه من القلب…وكم نتمنى أن يصل الى القلب…!!**
الوزارة كل يوم تقولبنا كأننا حصان على الشواية ,, ودي اقول بها
تقولبنا لين نصير مقلقل مقيولن به هه وقولوا اني ماقلتها << احد فهم شي
,,
قد ماأفكر بإلغاء نظام التقويم المستمر والرجوع إلى التحصيلي
ياسلام ..
ماأقول إلا لابارك الله في من وضع نظام التقويم المستمر .. أنتج أجيال فاشلة
لا يضيع حق وراه مطالب
وسخر لنا من يرفع هذا الظلم عنا … آمين
