مراجعتي اليوم الثلاثاء لادارة التعليم بالرياض

السلام عليكم كيف حالكم اتمنى انكم بصحة وعافية وحبيت اباركللكم على الخبر الحلووووو وان شاء الله عقبال الترشيح بس بغيت افيدكم بالنسبه لاستفساركم انا اليوم مرمطووووووني مرمطه الوزارة اول شي رحت للادارة اللي بالقرب من الجوازات وقالوا لي ماهو عندنا تقديم المعاهد روحي للوزارة اللي بشارع الوشم ورحت للوزارة ومن دور لدور حتى آآآآآآآآآآآخر شي قالوا لي ماهو عن طريقنا روحي للادارة اللي عند الجوازات وقلتلهم هم اللي قالوا لي روحي للوزارة قالوا حاليا ماعندنا شي للمعاهد وقالت لي وحدة ان المعاهد تقديم بينزل عن طريق النت انتظروا لين ينزلون القرار وقدموا او انك روحي لوزارة التربية اللي بطريق الملك عبد العزيز وشوفي اسئلي بس بسراحة مارحت للوزارة لاني من المرمطة هذي راح علينا الوقت وبالخير مااستفدت يعني معقولة الوزارات ماعندهم اي خبر عن تعيين المعاهد كل واحد يقول ماادري والله واخرتها تيتي مثل مارحتي جيتي بس قالتلي انتي من وين متخرجة قلت من القصيم قالت لي راجعي ادارة تعليم القصيم ياريت تفيدوننا هل صحيح اننا نرجع لنفس مكان شهاداتنا اذا كان كذا اجل مافيه امل نتوظف اتمنى الافادة من الاخوات اذا كانوا يعرفون شي عن هذا القرار واي احد يعرف احد في الوزارة ياريت يقولنا الخبر الاكيد بالنسبة للتقديم لاننا بسراااحه تعبنا من الاشاعات الي يقول روحوا قدموا واللي يقول عن طريق النت والي يقول……….. الخ نتمنى من الجميع الافادة وموفقين باذن الله

---

يمكن وزعوا الاستمارات للمناطق اللى كان فيها المعهد فقط
والرياض يمكن ما كان فيها معهد
لو اليوم بدل المرمطه ؟؟؟ رايحه للقصيم كان وصلتي وقدمتي
قدمي بالقصيم واسئلي اذا تقدري تكتبي الرغبات في الرياض
قالو في التعميم اللى ساكنه خارج مكان تخرجها تقدم بالادارة اللى هي في مقر سكنها الحالى بس شكلهم
ماراح يعطونك شي لان ما كان عندهم معهد

لا ياقلبي لاتروحين القصيم
التقديم بمقر اقامتك
بس اصبرو يابنات الين الاسبوع الجأي
التقديم مابدأ بشكل فعلي
احنا بس مستعجلين
انا عن نفسي انتظر نص الاسبوع الجأي الين ينادوني ويترجوني أجي>>تبطين عظم هع

أجل وين نرووووووووووووووووووووووووح؟

اقـــــــــــــــــــــــــــــــول والله من الخنبقه عند وزارتنا الموقررره
حتى تقديم مثل الناس مستكثرينه علينا